香港同新加坡由四小龍年代「爭」到今天。《港區國安法》實施後，惹來香港「全球城市」吸引力下降嘅疑慮；咁，新加坡咪「得米」？之不過，新加坡總理李顯龍就話，從未將香港睇作勢不兩立的競爭對手！

 

 （Shutterstock圖片）

 
星洲香港各有各機遇

 

 （Shutterstock圖片）

　　新加坡同香港真係好多嘢相似，金融氣氛同香港相近，而且本身經濟同金融底子唔差，所以被視為亞洲其中一個重要基地，不過李顯龍就大派定心丸，講到明無意競爭：

　　「香港同新加坡存在良性競爭，但亞太地區好大，機會都好多。香港係中國前門，有獨特優勢；新加坡係東南亞中心，擁有更廣的接觸範圍，所以大家有唔同優勢，當然我希望香港取得好表現，唔願意見到大家撤出香港。」

　　李顯龍重申，中國訂立《港版國安法》，是基於香港過去經歷的艱難時期，明顯無可能無限期持續，並相信已經計算過英美國家反對聲音，決定無論如何都要落實執行，如果香港繼續保持繁榮穩定，都幫到中國發展；而安穩同時都對新加坡、本地區都有益。

星洲無意參與推動美國大選，寄望下任總統與中方穩定關係

 

 （Shutterstock圖片）

　　另一個花生話題，就梗係美國大選啦！不過李顯龍就好醒水，順得中國情，亦避免失美國意啦！所以講到明新加坡無意參與推選美國總統，邊個登上寶座都接受結果，但都講明一樣嘢：

　　「希望下任美國總統首先與中國穩定關係，因為亞洲長期繁榮穩定都需要建立係呢個基礎之上；不過選舉後兩國關係能否緩和，我並不樂觀，因為中美兩國互不信任，並不是換政黨就可以解決問題。」

　　用李顯龍嘅說法，美國就算換咗個阿頭都唔會解決到，而且佢認為美國兩黨喺對華政策上都取得共識，呢一點相當驚人，因為將會令世界各國陷入擔憂。

美國需要改變對亞洲態度，希望可以重返TPP

 

  （Shutterstock圖片）　

 

　　對於亞洲地區利益，李顯龍希望，美國能夠繼續關注亞洲的利益，如果處理唔好就會陷入類似二戰嘅問題，同時希望美國能夠嘗試重新考慮加入返《跨太平洋夥伴全面進步協定》（TPP）。

 

撰文：李皆穎

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

全新節目《說說心理話》青少年不可以戀愛！？真實個案講述驚心動魄經歷► 即睇