收藏文章 

2018-11-22

補選拉票最後衝刺 傍住陳凱欣嗰個係曾偉雄定馮檢基?

  仲有3日就係九龍西立法會補選喇,各候選人都把握時間作最後衝刺,日日出街站同大家講早晨啦!今日喺黃埔幫李卓人拉票嘅黃之鋒,就撞正陳凱欣同田北辰、前警務處處長曾偉雄齊齊拉票噃!之鋒仲喺社交網站同大家分享咗呢單「趣事」,Jenny先知原來曾偉雄同另一候選人馮檢基(基哥)有啲啲「淵源」噃!

 

大家又覺得似唔似呢?

 

不是同年同月同日生 竟同臉同鼻似孖生?

 

  基哥同曾前處長有何「關係」?原來之鋒話,睇前處長個樣就唔多慣拉票,「啲面部表情都有啲生硬」,仲有街坊見到曾偉雄,問之鋒「嗰個係咪馮檢基呀?」Jenny睇到笑爆嘴!之鋒就估,可能係因為兩人「髮型有啲似」!又好似真係噃!

 

  之鋒仲話,喺曾偉雄任內嘅警隊完全採用鐵腕管治,雖然自己被佢拉左咁多次,但係都係今日先至「終於見到佢真人」,仲Hashtag埋「#有曾偉雄如慈母一樣保護陳凱欣」 添!狹路相逢誰者勝,就要睇今個星期日嘅補選喇!

 

  呀!大家唔好唔記得九西補選候選人仲有曾麗文、伍廸希呀。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
更多言歸政傳文章
你可能感興趣
#九西補選 #立法會 #選舉 #曾偉雄 #馮檢基
編輯推介
即時報價
全文搜索
Search
最近搜看
25周年慶
More
Share