加入最愛專欄 收藏文章 

2017-12-15

修改議事規則後 建制派真的無憂嗎?

  Tina執筆之時,有關修改議事規則嘅辯論已經進入尾聲。過程比起想像之中利落,建制派一直轉變策略,由計劃每人都發言表態,到後來只係畀各黨代表發言,希望「快刀斬亂麻」,果然今個星期開第三日會,建制派就完成呢個「偉大使命」。

 

  完成修改議事規則之後,泛民可以動用嘅制度武器幾乎係全面繳械,但實情又係唔係真係咁差?建制派又係唔係飲得杯落呢?

 

  按立法會前主席曾鈺成日前喺報章撰文所指,按《基本法》第75條規定,立法會會議法定人數為不少於全體議員的二分之一,即係立法會大會開會人數郁都唔郁得,而建制派提出一個偷換概念嘅做法,只係降低審議法案階段嘅「全體委員會」法定人數,由35降到去20,所以過往喺立法會會議上出現嘅點人數同流會情況,不會受到修改《議事規則》影響。

 

  大主席(曾鈺成永遠係Tina心入面嘅大主席)可以話係一語中的。過往試過好多情況,成個會議廳係得返一個議員企喺度,無錯,係得發言嘅一個議員喺度;當時環境無咁緊張,泛民唔係瘋狂點人數當然無問題,但係修改議事規則之後,泛民必然老奉唔夠人數就會響鐘,而建制方面好肯定眾人都抱住「20個好易夠數」,個個無晒戒心,泛民一進建制一退之下,會出現咩境況?Tina估計,泛民每次會議都會瘋狂點人數;而建制派好有可能要長期編定一個最少20人喺議會嘅更表(40名建制即最少一半留守會議廳),否則20人一樣照流會。但問題嚟喇,建制派分門分派,真係做到個個齊心?

 

  話個辯論期間小插曲大家知。之前講過建制派一直轉變策略,其實一開始所有建制派議員都磨好晒劍,準備發言直插泛民心臟,但由於「上面」想盡快過咗議案,建制派領導就喺群組內要求限制建制派發言次數。有部分「好鬥」議員面對禁言都非常不滿,據聞佢地仲不理禁言令,最終都係撳鐘抽泛民水。呢件事已經睇到,槍口一致對外都未必齊心,更何況編更表?所以往後新形勢未必如建制諗嘅咁順利呀!

 

全新【etnet健康】專頁登場喇!立即成為Fans獲得最貼身實用嘅健康資訊! http://fb.me/health.etnet.com.hk
更多立會透視鏡文章
  • 2018-03-23

    創下壞先例

    近年興講創新,港交所要創新,深交所同上交所都話要死跟一齊創新,似乎創新就一定係好。開創先河當然係好事,但創先河同壞先例,...

  • 2018-03-02

    預算案48分已經畀多了!1

    財爺喺星期三(28日)公布咗新一屆政府第一份嘅《財政預算案》。喺新政府開口埋口講「理財新哲學」之下,再加上已經預期盈餘過...

  • 2018-02-12

    難以理解的選舉法例3

    就快新年,新年前立法會都休埋會,剛剛開始「一地兩檢」嘅立法程序開始進行,進入條例草案委員會審議階段,今日係第一次會議開鑼...

  • 2018-01-26

    DQ姚周 政府迫不得已106

    下周一(29日)就係立法會補選提名期結束日,臨近結束,消息就愈傳愈多,剛剛就有不同媒體分別引述消息人士指,分別在九西同港...

  • 2018-01-12

    建制未敢死攬鄭若驊

    鄭若驊風波,稱得上係「唐宮風暴」第二集。不過同電視劇一樣,第一集永遠都係最好睇,有咗第一集嘅「驚喜」,縱然第二集一樣係高...

  • 2017-12-08

    建制「肉緊」程度史無前例1

    立法會修改會議規則成為政界今年最大嘅戰場。單單係噚日會議,已經要三度暫停,期間更出現有建制議員一邊大聲發言,另一邊泛民持...

  • 2017-11-24

    誰在「策劃」流會4

    噚日(23日)立法會又再一次流會。泛民毛孟靜噚日開會唔夠一個鐘點完人數之後無入返會議廳,最終在泛民得返一個鄺俊宇之下,總...

  • 2017-11-10

    呢班年青人,還懂得「尊重」嗎?5

    11月9號晚嘅旺角大球場,香港足球代表隊同巴林踢咗場友誼賽。從一開始,呢場比賽嘅結果無咩人關心,更加無人會講下港隊球員嘅...

延伸閱讀
編輯推介
即時報價
全文搜索
Search
最近搜看
透視大灣區
More
Share