《愛．回家》抽水「安心」 蘇永康寄語安仔勇敢面對

　　【晴報專訊】蘇永康前晚舉行紅館演唱會尾場，獲BIG FOUR好兄弟梁漢文和張衞健撑場，惟許志安及太太鄭秀文（Sammi）沒有現身。提到上周《愛．回家》抽水「安心出軌」，蘇永康鼓勵安仔面對，又謂時間會慢慢沖淡。

蘇永康表示完騷後不會放假，寧願湊仔返學。

　　蘇永康前晚完騷後在後台受訪，提到BIG FOUR獨欠許志安沒有捧場？蘇永康說︰「其實我同Sammi、安仔經常通電話，Sammi有諗過嚟睇騷，但佢好細心，擔心嚟到會造成某啲混亂，但呢幾日都有傳短訊鼓勵我。」

上周五播出的《愛．回家》，「細龍生」鄭世豪（圖）模仿許志安的道歉對白。

上周五播出的《愛．回家》，「細龍生」鄭世豪（圖）模仿許志安的道歉對白。

　　提到無綫處境劇《愛．回家之開心速遞》上周借「安心出軌」抽水，蘇永康只說︰「我真係唔知，只知劇集收視好高，但我好少睇。」對於劇集在「安心」發生兩個月後才抽水，他說︰「唔會話好定唔好，如果編劇被勒住，就會影響創作自由。我相信呢件事會慢慢淡，安仔同Sammi絕對會勇敢面對，正如我自己件事（台灣涉毒），都唔怕大家成日提起，因為係事實，如果逃避同驚，即係唔敢面對，佢哋性格唔係咁樣。總之（抽水）無話錯定啱，網上有啲（言論）更加離譜啦！」

轉載自: 晴報

【你點睇】的士記分制將於周末生效，你認為該制度可否幫助的士提升服務質素？► 立即投票