世事政情

　　【晴報專訊】蕭正楠（阿蕭）和湯洛雯（靚湯）昨日宣傳劇集《一笑渡凡間》，阿蕭在劇中愛上靚湯，他自爆演談情戲時刻意扮靚湯男友馬國明，誰知惹來靚湯「投訴」，指阿蕭為宣傳不時擺馬明上枱，場面搞笑。

蕭正楠經常取笑湯洛雯，令女方哭笑不得。

　　蕭正楠昨日談到在《一笑渡凡間》首播時，有場他面上長滿毒瘡的戲份，雖然戲份只有一分鐘，卻拍足幾日，阿蕭說：「因為呢個毒瘡嘅粧會成日出現，所以經常化，每次化三個鐘好攰，後來索性打橫瞓喺度化粧，但大家話好似化死人粧咁，以後都唔敢啦！」在劇中經常以捕快打扮現身的靚湯，自爆只有一場女裝戲，阿蕭抵死說︰「因為我要有驚艷嘅感覺，我就用馬國明望住靚湯嘅眼神嚟演戲，流晒口水咁。」靚湯即說：「做咩我哋宣傳成日講佢（馬明）！」

蕭正楠自稱在劇中以馬國明眼神望實湯洛雯。

　　蕭正楠笑言下次考慮扮馬明出席宣傳活動，靚湯笑罵︰「你唔好諗住扮佢宣傳啦，你都扮得唔似。」另外，提到馬明正身在內地工作，靚湯指男友帶了兩隻定情公仔同行：「佢已經將公仔據為己有。」問馬明何時將靚湯真人據為己有？她忍不住甜笑說：「你哋問佢啦！」

利穎怡拍劇主持兩兼顧

利穎怡昨日露小蠻腰。

　　同場的《東張西望》主持利穎怡在劇中飾演一個被虐待的丫鬟，經常傷痕纍纍：「雖然我只佔一個單元，不過劇中我得一場戲以正常樣出現，其餘場口都係傷痕纍纍，面部唔可以有表情，眼睛都唔能夠有太大反應，起初監製嫌我對眼太精靈，要求我嘅眼神要奄奄一息咁。」她最近參演另一劇集《痞子殿下》，希望可以拍劇及主持兩邊發展。

　　【晴報專訊】無綫劇集《破毒強人》將於後晚大結局，蕭正楠（Edwin）在劇中一改戲路，飾演曾任卧底的深沉冷漠幹探。昨日Edwin與張曦雯（Kelly）、張寶兒等宣傳劇集時，自爆連巨星周潤發（發哥）都有捧場，並送上鼓勵說話，令Edwin心花怒放。

Edwin開心《破》劇收視口碑俱佳，一眾主角將夾錢請台前幕後食飯。

　　《破毒強人》收視愈戰愈勇，昨日席上公布收視佳績，上周五一集因10號風球「蘇拉」襲港，勁收28點，而劇集亦成為今年兩綫最高收視劇集。監製羅永賢笑說︰「劇中人唔係死咗就係坐監，好難開第二季，但會考慮拍前傳。」至於蕭正楠透露，後晚與監製及陳豪等主角請食飯兼欣賞大結局，「最開心劇集喺內地反應好，喺香港又收視好，昨日（前日）跑步撞到發哥（周潤發），佢都話有睇，今次我改咗戲路，佢仲話『原來你咁型嘅咩』。」

Edwin與太太黃翠如及黃日華跑步食飯，遇上發哥送驚喜。（IG截圖）

　　Edwin指發哥建議他發掘更多可能性︰「發哥叫我唔好搞咁多笑，叫我認真啲，可能之前同阿廉（曹永廉）一齊搞笑，被佢拖低晒。」他又說︰「發哥話如果撞啱《破》劇呢類劇種，可以多啲嘗試認真角色，聽完我都好開心，起碼發哥有畀意見。」Edwin預告在劇中與張曦雯將有激吻鏡頭，笑言太太黃翠如不介意他拍親熱戲。

郭柏妍驚訝何廣沛拍拖

　　此外，同場的張寶兒腹大便便現身，預產期在11月的她，原本打算開派對公布BB性別，但最後作罷。她說：「我同袁生（袁偉豪）一早知BB性別，但老公要入劇組開工，呢排有時間都搞咗張BB床先，可能遲啲出po公布算，或者《破》劇收視有30點，就會公布。」提到同劇拍檔何廣沛承認有圈外新女友，寶兒與郭柏妍毫不知情，寶兒笑言︰「我哋之前一齊宣傳，都睇唔到蛛絲馬迹，佢向來都紅粉緋緋，精神奕奕。」郭柏妍則驚訝說︰「我返去問下佢先。」

郭柏妍（左）與張寶兒戥何廣沛蜜運開心。

Kelly自爆混血男友落力追劇，令她受寵若驚。