世事政情

　　【晴報專訊】前無綫助理總經理余詠珊今年四月離職，近日有傳她將回歸有線電視出任高層，主力製作綜藝節目與無綫及ViuTV對撼，並有傳她有意拉攏前「有線幫」藝人如李佳芯（Ali）、陳貝兒、黃翠如等「回巢」。Ali昨日出席活動時，直言自己與無綫尚有幾年合約，私下與余詠珊亦沒有聯絡。

Ali自言從來不會主動爭取工作。

　　李佳芯昨日到銅鑼灣出席活動，被問到盛傳余詠珊有意拉攏她重返有線一事，Ali表示︰「傳啫，都唔係事實，而且我完全唔知呢件事。（同余詠珊有無聯絡？）之前佢喺TVB時候我哋都係同事關係，私底下無聯絡。（你仲有幾耐合約？）我17年續約，仲有幾年先約滿…其實係咪代表我仲後生，公司先同我簽十年八年合約呢！」

余詠珊

　　談到昨日TVB宣布曾志偉升任總經理一事，Ali直言︰「自己無留意高層變動，但升職加薪係開心事，對我就無乜影響。」Ali自言並不主動，亦不太了解自己，拍劇也是接觸過才喜歡，所以公司認為適合她的工作，她都會努力做好。

想找老公多於奪視后

Ali在《智能愛人》中扮演機械人的表現獲劇迷大讚。（網上截圖）

　　另外，Ali早前在劇集《智能愛人》中扮演機械人的演出獲讚賞，更有網民看好她再度衝擊視后，Ali謙稱︰「（頒獎禮）仲有好耐時間，好多大劇都未出街。其實我由拍劇到播出都對自己無信心，演機械人成個過程都幾吃力，都係估估下咁去做，好似摸住石頭過河，所以呢一刻我都唔諗攞獎，但有獎係bonus，都開心嘅。」Ali笑謂現階段比較希望找老公，多於再奪視后，「我想搵個老公，唔係想搵個男友。事業係重要，但我滿足現狀，感情就難控制，如果有得揀，梗係揀樣控制唔到㗎啦。」

　　【晴報專訊】前無綫助理總經理余詠珊今年四月離職後，近日有指她與星夢娛樂前行政總裁、老公何哲圖成立製作公司，為香港開電視製作全球選秀節目，對撼無綫的《聲夢傳奇2》。無綫首席創意官王祖藍昨日出席活動時，對該消息表示歡迎，認為娛樂圈應該百花齊放。

祖藍笑言自己想食軟飯。

祖藍積極呼籲買曲奇籌款。

　　王祖藍昨日出席「愛心曲奇暖萬家」慈善義賣活動，對於無綫前助理總經理余詠珊與老公何哲圖自組製作公司，並為香港開電視舉辦全球選秀騷《我的青春》一事，表示歡迎︰「令到娛樂圈百花齊放係好事，其實大家做好自己就可以。（你有無興趣睇佢個騷？）慢慢嚟，唔好急躁，最重要就係百花齊放。」

余詠珊

笑李亞男唔青春

　　至於無綫近日力捧一眾《聲夢》學員，他們有份演出的青春劇《青春本我》，已火速獲安排於今年底推出，而祖藍於劇中客串校監一角，他笑言︰「我想做校工呀！」

　　問到太太李亞男是否有份客串《青》劇？祖藍解釋道︰「老婆都唔青春啦，佢要湊女，所有嘢一腳踢…依家我哋搶緊隔離酒店，搶到先可以喺印尼請個（工人）姐姐返嚟。（老婆有無戲癮？）其實我不知幾想賣佢入火坑，我都好想試下食軟飯，不過之後喺《思家大戰》我哋一家幾口都會上節目，到時老婆就可以出嚟。」