世事政情

　　新城廣播擔任首席營運總監馬浚偉先生，受到市民及網民關注。近日有網民發現馬浚偉嘅facebook個人簡介列出共十四項公職，覺得佢自大到自卑先會「曬銜頭」，更以此作二次創作，引起唔少討論。馬浚偉就冇因為咁「遷怒」網民，仲大方親解自己咁做嘅原因。

原來係因為咁！

　　馬浚偉表示佢都有留意到大家指佢「曬銜頭」嘅討論，今日就親自解釋。馬浚偉指喺一個月前，突然有人問到佢係咪某個會嘅成員，就係因為咁先發現原來有人假冒佢，當中更涉及金錢瓜葛，而佢根本就冇加入對方所講嘅機構。馬浚偉鑑於近年網絡騙案大增，喺佢喺一個月前決定將自己所屬屬會及相關職銜清晰地列於Facebook ，阻止不法之徒假冒，以免再有人魚目混珠，先咁高調公開。馬浚偉相信不法之徒正正係睇中佢身兼多項公職，容易令人混淆，而依家咁樣一切就非常透明，大家都唔使再估估下。

　　馬浚偉又指現全職於新城工作，上任前已向新城廣播及總公司申報所有公職，公開佢頭銜都可以保障公司、相關機構、公眾同自己，係有「公共性」。佢又提到日後如有其他公職再加添，佢都會繼續於社交媒體作出更新。

　　而對於有網民將其公職列表作「二次創作」，馬浚偉都大方表示覺得好有趣，而「二次創作」已不是第一次發生在他身上，佢亦唔會介意。當年於 TVB 拍攝電視劇《蒲松齡》時，馬浚偉被網民惡搞成「如夢初醒獸」；之前於劇集《守業者》浸於水中，咁啱天文台當時發出黃雨警告，網民就將兩者連結，指「每次落雨落到水浸都只係黃色暴雨警告」，配上惡搞對白，令馬浚偉「黃雨代言人」。

　　資深DJ鄭啟泰驚爆死訊，新城電台證實他於3日黃昏時分離世，終年56歲。新城發表聲明表示，鄭啟泰2日晚開始肚屙及腳抽筋，直至早上送院搶救，延至黃昏不治。

　　鄭啟泰未婚妻王雁芝透過未婚夫的電話回應傳媒，表示二人本來一直籌備婚事，如今事出突然，她一時間難以接受。她指鄭啟泰因多次肚屙不適，今早決定Call白車，誰知未入院已經暈倒，至今仍未知道鄭啟泰死因。

　　王雁芝今晚在社交網情深出post，她上載一張餃子的黑白照片，留言：「你最愛的餃子。」她向未婚夫道出不捨之情：「一日讓我成為最幸福的人，隔天你就自私地玩。可惡的你，最愛整鬼幾鬼怪，呢一次整鬼一d都唔好玩。掛念您。」

　　王雁芝再上載她與鄭啟泰日前（1日）吃飯時拍攝的最後合照，並說：「前天我們一齊吃的一頓飯，我說我要請你吃Omakase，因爲全年賺到錢。嗱！我無拖無欠啦。我未婚夫靚仔嗎？」她又寫上：「＃請記住最好的他 ＃請記住最搞笑的他 ＃請記住最開朗的他 ＃請記住最鬼怪的他 #我哋最受尊重的DJ。」

　　至於親自找鄭啟泰回歸新城的馬浚偉，亦非常不捨老友：「真的太突然、也很不捨、很難過！縱有萬千不捨，至少在您回天家之前，我這個弟兄有讓您笑過、開心過......浪子，您先回天家，好好休息吧！靜待那天，和您再遇、再聊。」

　　身為無綫藝人的鄭啟泰，在《愛回家之開心速遞》飾演富商蔣金，與Peter及Ma姐發展三角戀，令人留下深刻印象。正播映的新劇《本尊就位》亦見鄭啟泰蹤影，他在劇中飾演警官一角；而鄭啟泰尚有兩部劇集《反黑英雄》及《黑色月光》未出街，據知他在《黑色月光》的戲份仍未拍完，劇組可能要修改劇本。