大家覺唔覺得剛過完農曆新年無幾耐，節日一個又一個咁排緊隊來 ? 

 

　　過多2日又到了年十五，即中國的元宵佳節。大家可能不會太重視中國的情人節，適逢下星期二就係西方情人節的日子，男女朋友要慶祝的，當然可以外出食一頓情人節晚餐，又或者可以考慮親自下廚，煮一道愛心晚餐，與愛侶浪漫地渡過這一天。

 

　　韋太平日不太喜歡吃羊，因為怕羊那種膻味…… 那種感覺好像有些人不喜歡吃牛，都係覺得牛都有種膻味一樣。

 

　　不過，韋太今次試過用這方法去醃製，煎出來的羊架，無需再蘸任何醬汁，都唔覺得膻。怕吃羊的朋友都值得一試 ! 

 

　　羊肉營養豐富，含以下多種天然營養素及蛋白質，幫助生長，修復傷口，維持免疫系統及維持肌肉，它亦是酵素及荷爾蒙的必需元素。羊架、羊扒由於脂肪含量不多，屬健康之選。

 

香煎羊架

烹煮時間: 10 分鐘

份量: 8 件

 

材料: 

 

 

　　羊架        1磅 (約8件) 

 

醃料:

 

　　蒜茸        1湯匙

　　法式芥末      1湯匙

　　新鮮迷迭香  2-3棵 (切碎後約1湯匙)

　　橄欖油      2茶匙

　　海鹽       1/4 茶匙

　　黑胡椒碎   1/2 茶匙 

 

做法:

 

 

　　1. 先將羊架解凍，用廚房紙抹乾，脂肪可以切走，切件。

 

　　2. 將醃料預先拌勻，新鮮迷迭香葉摘下，切碎，加入醃料內拌勻。

 

　　3. 將醃料均勻地搽在羊扒上醃30-60分鐘。

 

　　4. 燒熱鑊落1湯匙橄欖油，加入羊扒每面煎2-3分鐘至金黃色即成。

　　　(煎的時間要視乎喜愛吃的生熟程度，火力不同都有偏差)

 

小貼士: 

 

　　一般羊肉都會有膻味，其實膻味主要來自脂肪，若果將羊肉上的脂肪切除，加上香草去醃一會，膻味便能減低。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

全新節目《說說心理話》青少年不可以戀愛！？真實個案講述驚心動魄經歷► 即睇