母親節前夕，韋太預先教授大家煮咗兩款精美小菜，讓大家親自下廚去令母親歡喜。

 

　　雖然父愛不及母愛大，大家做囝囡的一定唔可以不孝，今個星期日就係父親節，大家又點可以令父親失望呢 …. 所以，今期教授的菜式都較簡單易做，大家不妨試下。

 

烹調時間: 25分鐘

 

材料(3-4人份量):

 

 

　　西蘭花 400克、急凍魚柳 400克、韭黃 10克、甘筍 5片、蒜茸 1茶匙、乾蔥茸 1茶匙、薑片 2片(切細片)

 

魚柳醃料:

 

　　胡椒粉及鹽 各少許

 

調味料:

 

　　雞粉 1/2茶匙、鹽 1/4茶匙、砂糖 1/4茶匙、蠔油 1茶匙、胡椒粉 少許、紹酒 1茶匙、清水 2湯匙

 

生粉芡: 

 

　　生粉 1茶匙、清水 1茶匙

 

汆水菜調味:

 

　　雞粉、鹽、砂糖 各1/2茶匙／油 1/2 茶匙

 

做法:

 

 

　　1. 魚柳解凍抹乾，切件，搽上醃料醃15分鐘。

 

　　2. 西蘭花去莖，只取用頭部的花，切成一束束花備用。

 

　　3. 燒熱一鍋滾水，加入汆水菜調味，水滾將西蘭花及甘筍片加入煮3分鐘盛起，瀝乾水。

 

　　4. 燒熱鑊，落少許油，將蒜茸、乾蔥茸及薑片加入爆香，將魚柳加入兜炒一會，然後將西蘭花、甘筍片及韭黃加入炒勻，將調味料加入兜勻後，最後加入適量生粉水埋芡即可上碟。

 

韋太小貼士:

 

　　1. 一般家庭菜式會採用急凍魚柳，魚柳炒時會容易散，若怕這情況發生，可以先將魚柳兩面略煎香，才加入鑊與蒜茸兜炒。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

全新節目《說說心理話》青少年不可以戀愛！？真實個案講述驚心動魄經歷► 即睇