世事政情

2020-10-12

落選港姐廖慧儀男友自爆被狠飛

　　【晴報專訊】有「狂野空姐」之稱的落選港姐廖慧儀，跟圈外男友Sam經常po相放閃，但Sam早前突然嬲爆留言要求《#後生仔傾吓偈》主持孔德賢（Danny）不要再找他女友，事件餘波未了，Sam前晚再發文宣布被女友狠飛，廖慧儀更刪掉過往跟Sam的甜蜜合照，似暗示情已逝。

廖慧儀未有回應是否已跟Sam分手。

　　今屆落選港姐廖慧儀參選時是非不斷，包括被爆腰間有紋身，男友Sam經常在社交網維護女友，可惜兩人拍拖一年半，此情不再。

孔德賢在TVB出鏡率漸多。（IG圖片）

　　雖然廖慧儀已表明跟「後生仔」Danny只是朋友關係，又強調因為男友飲醉才引起誤會，但Sam前晚在IG卻自爆已遭女友狠飛，他寫道︰「同你一齊呢一年半，大大小小傷心嘅事我都陪你經歷過，喺你有低潮困難嘅時候，我從來無離開過你身邊，而點會你要選擇咁樣對我，去報答我一年半對你嘅所有付出。我一直當你係一家人，點解要選擇因為一啲小問題，而突然狠心離開我，係咪因為入咗娛樂圈，擴闊咗眼界，回頭看所有嘢覺得我甚麼都不是？」但他之後又急急刪走貼文。