加入最愛專欄  收藏文章 

2023-07-03

家駒遺作風波落幕 肥媽唔追究黃家強︰都衰晒咯

  【晴報專訊】歌唱比賽《中年好聲音2》昨日舉行第三輪海選面試,評判之一的肥媽(Maria Cordero)早前與黃家強就黃家駒遺作一事而隔空罵戰,成為最後勝利者的肥媽表示不會生氣︰「嬲人會有皺紋㗎!」

 

肥媽強調獻唱家駒遺作無錢收。

 

  肥媽早前透露樂隊Beyond已故成員黃家駒寫歌給她,家駒胞弟黃家強亦有告訴她。及後,家強一度強調無講過,暗寸肥媽不尊重人,但肥媽轉貼08年家強指家駒作歌給她的報道以證清白。事後家強不開名道歉,肥媽昨日亦指事件告一段落︰「咁我真係無講大話。(家強無直接道歉?)唔使啦,都衰晒咯,最唔好係佢話自己無講過。」

 

  肥媽自言不認識Beyond前經理人陳健添,「佢(陳健添)叫我唱就唱,又無收錢嘅。但最衰(家強)話無講過呀嘛,個個以為我講大話,不過咁多年可能佢又善忘。依家成件事清楚晒啦。(嬲家強?)有乜好嬲,嬲人有皺紋㗎。」

 

杜德智劉威煌參賽

 

  至於昨日有不少熟悉的面孔參加海選,包括杜德偉胞兄杜德智、《超級巨聲》隊長劉威煌及姚安娜等。杜德智表示弟弟提醒他穿得貼地一點,「佢叫唔好著到登台咁,呢套衫佢睇過話OK。」劉威煌雖然有比賽經驗,但昨日表現緊張,自責唱得「核突」,「以前我開live唱歌習慣睇歌詞,可能倚賴咗,又咁多年無比賽,首歌又唔算滾瓜爛熟,瀨嘢。」他自言無信心入圍。

 

杜德智受杜德偉鼓勵而參賽。

 

劉威煌昨日表現失準。

 

姚安娜曾參加新秀。

轉載自: 晴報

全新節目《說說心理話》青少年不可以戀愛!?真實個案講述驚心動魄經歷► 即睇

更多娛樂情報文章
你可能感興趣
#中年好聲音2 #Maria Cordero #肥媽 #黃家駒 #Beyond #杜德智 #劉威煌 #姚安娜 #超級巨聲
編輯推介
即時報價
全文搜索
Search
最近搜看
大國博弈
貨幣攻略
More
Share