早前港版《大叔的愛》風靡萬千少年，大家都羨慕田一雄（呂爵安飾）同阿牧（盧瀚霆飾）可以可以修成正果，更同情KK(黃德彬飾)要係愛情路上要加油；現時中，黃德彬的「愛」都差啲送咗畀微信女......究竟邊個咁可惡呃我嘅大叔！

  

 

 

黃德彬曾投資輸五位數，被加入「微信女」群組

 

　　呢次黃德彬為「投資者及理財教育委員會」拍攝宣傳片，而黃德斌飾演便利店店長，並與唔同嘅投資族群輕鬆互動，提醒返大家正確嘅投資態度。

 

　　而拍攝之後，黃德彬就分享過自己嘅投資經驗：

　　

　　「我年輕時曾聽所謂消息貼士，跟風買入股票，剛開始賺到一些錢，但『貪字得個貧』，最終倒蝕五位數字，自此便學會不要輕信市場消息。」

　　

　　黃德斌又分享曾經被加入來歷不明的社交媒體或即時通訊群組，疑似俗稱「微信女」的「唱高散貨」騙案：

　　

　　「近年不時會被加進來歷不明的群組，有人會在群組分享投資貼士，或者直接講冧巴叫人投資。但世界編會有免費午餐，背後很可能都是投資騙局，所以我會立即退出！」

 

＊今年首七個月投資騙案達725宗，涉25億元＊

 

 

（iStock圖片)

　　雖然互聯網使用度已經好普遍，但大家依然容易誤墮「騙網」，單係今年首七個月，已經有725宗投資騙案，亦較去年同期急增2倍，損失金額高達25.2億元，為去年同期的19倍。

 

　　警方係調查時發現，騙徒先會出口述騙取受害者「芳心」，之後再利用其信任，獲取被害者資金並指「幫你投資」，最後梗係一蚊都拎唔返。受害人年齡介乎17歲至70歲，損失金額最高案件，係一名23歲鋼琴女導師，3個月內共被騙走905萬元，禍及退休父母養老金。

 

投資謹記：自己動手，豐衣足食

 

 

 

　　其實投資嘅嘢不外乎都係要「量力而為」同「親力親為」，正所謂唔辛苦邊有世間財呢？所以投資應該做好功課，並衡量自己嘅能力以及所面對風險，就好似最近人人所瘋迷嘅加密貨幣圈咁，大家都希望可以一朝暴富，但加密貨幣上落閒閒地都一兩成，最高六七成都有，真係心血少啲都出事。

　　

　　仲有啊！互聯網投資騙案日新月異，真係隨時唔知點解銀行就會突然無晒錢，所以唔好亂咁CLICK入不知明連結、唔好隨便透露信用卡、身分證資料畀人，就算係你好朋友或者親人問你拎以上資料，都最好打個電話去確認下，因為有機會有黑客入侵個人帳戶再向其身邊好友套取資料，避免誤墮騙案陷阱啦！

　　

撰文：李皆穎　　

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

全新節目《說說心理話》青少年不可以戀愛！？真實個案講述驚心動魄經歷► 即睇