上周到澳門公幹，順道趁周末去幾間酒店內食店試食。其實除了Robuchon之外，其他食店都好容易訂枱。

 

　　第一站便是新葡京的「8」中菜廳。

 

　　論裝飾、環境達五星級酒店的標準，唯獨不喜歡燈光過於昏暗。今次主要想試下這裏的家常小炒，甚麼乳豬焗飯、燕液雪人包都沒有點。

 

  

　　十分精緻的餐前小食，免費，聽聞會除季節而有所不同。

 

  

　　海蜇醉花蹄($95)，彈牙海蜇，可能冷盤關係燻蹄就比較淡味。

 

 

　　玫瑰蜜汁叉燒($95)，燒得好香而且肉質鬆化，可以再肥小小，但個人不喜歡厚切，望著叉燒不能一口完成，有點不知所措。

 

 

　　法國鵝肝金錢雞($38一件)，賣相一般，但煎得好香，而且鵝肝質素不錯，肥豬肉再肥一點就更加惹味。

 

 

　　雲腿蜜餞蓮藕片($78) ，用火腿吊下味都不錯。

 

 

　　啫啫芥蘭煲($85) ，食D菜平衡下，個蝦乾幾好食。

 

 

　　濃湯浸蝦乾雞($300)，值得推介的一道菜，用上鮮雞令肉質嫩滑而且富雞味，雞皮更是精華所在，滑而不膩，也沒有多餘的皮下脂肪。

 

 

　　咕嚕肉($110) ，這個沒有配上菠蘿，卻換來士多啤梨、杏甫肉、荔枝的咕嚕肉，得甜冇酸十分奇怪。

 

 

　咸蛋蒸肉餅($140) ，敗北之作，冇咸蛋味而且肉餅剁得太碎，容易散開，令我想起免治牛肉。

 

　　瑤柱魚翅炒米粉($165)，瑤柱魚翅不是必要，重點是炒米粉，乾身少油盡顯師傅功架。

 

　　係8食飯真係豐儉由人，你可以大魚大肉，或者食下家常小菜，像我們為例六個人食了兩個冷盤七個餸兩個甜品每位都是$220。

 

溫馨提示:

　　1. AE咭有九折。

　　2. 開瓶費每支$400。

　　3. 6位以上一定要坐VIP房，最低消費$4,000。

 

8中菜廳

地址: 新葡京酒店2樓

電話:（853）8803 7788

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

etnet榮獲HKEX Awards 2023 「最佳表現證券數據供應商」大獎► 了解詳情