【晴報專訊】許廷鏗（Alfred）下周推出全新專輯《拾》，前晚他率先在尖沙咀舉行新碟試聽會。Alfred在試聽會上唱出新歌《雪糕》，又與fans齊齊欣賞其餘九首歌。出道十年的他，坦言現今出碟甚困難，令他甚為感觸，又感激仍願意付錢買碟支持的粉絲。

許廷鏗坦言在出道十周年出碟，感受特別深。

　　許廷鏗前晚笑言已派三首新歌上台，並由前晚起，每天介紹一首，連續介紹七天後便剛好到出碟日。Alfred表示新碟會有十個封面，由大家自行調配︰「我自己最鍾意食雪糕嗰個封面，因為影相嗰陣真係有雪糕食，所以真情流露咁笑咗出嚟，呢個笑容要係最熟嘅朋友先會見到。」問到有否「執走」笑紋？他笑說︰「無，呢個年紀仲頂得住，過多兩年就可能有眼紋要執。」

　　Alfred表示，很感激公司在這世代下仍支持他推出大碟，他又自爆活動前聽過一次新碟，不禁感動得眼濕濕︰「呢隻唱片叫《拾》，有種重拾初衷嘅意思，諗番出道時間，諗到人生有幾多個十年，今次出到呢隻碟真係唔容易。」會否舉行小型音樂會？他表示正構思用甚麼形式舉行，他表示不一定要有大型製作，也可能去十個與粉絲有共同回憶的地方唱live。

想同好兄弟拍檔

許廷鏗請來新歌《雪糕》的作曲人兼好友吳林峰一同演出。

　　另外，Alfred早前跟不同歌手開live，互相唱對方新歌再放上網，外間反應相當不俗，他笑言fans特別喜歡他與吳業坤、胡鴻鈞拍檔，又認為可以多點跨公司的合作︰「做IG live唔單止係直接表演，同時又可以宣傳，仲多咗人訂閱我個頻道。」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情