【晴報專訊】鄧麗欣（Stephy）與台灣藝人王子（邱勝翊）拍拖後，不時公開曬恩愛，日前二人更攞正牌拍廣告「放閃」，獲網民大讚甜到漏。Stephy昨日笑言不介意與王子合作拍戲，最好演敵對老千，互相欺騙對方才好玩。

有愛情滋潤的鄧麗欣容光煥發，一提男友王子即甜笑不已。

　　鄧麗欣與張晉昨日以「愛滋零標籤」愛心大使身份出席活動，二人即場沖咖啡，亦與愛滋病感染者一起派發免費咖啡，宣揚反歧視信息。早前Stephy與男友王子一起拍護膚品廣告，在廣告中牽手又深情對望，她笑言可以寓工作於娛樂，不用買機票便可跟男友見面︰「我哋唔係刻意放閃，只係我哋都覺得呢個品牌好，拍出嚟感覺又靚，加上聖誕主題，佢又可以飛過嚟見面。」

友情價支持本土電影

王子與鄧麗欣在廣告片中翩翩起舞。（影片截圖）

　　Stephy笑言樂意與男友再度合作，拍電影也沒問題︰「其實主要睇拍咩作品，同埋我哋唔一定要演情侶，因為咁樣好悶，可以演其他，例如演敵對或者做老千角色，互相呃對方，但唔好講到我係騙財騙色。」提到她主演的新片《金都》在金馬影展奪得「亞洲電影奈派克獎」，她表示電影是導演黃綺琳的首部長片作品，得獎可以鼓勵新晉導演。她說︰「香港有好多有才華同潛質嘅導演，我成日同新導演合作，相信係緣份。我會收友情價，希望支持本土電影。」

　　此外，對於樂壇前輩黎小田昨早離世，Stephy表示雖然大家從未合作，但得悉對方死訊亦感可惜難過。她說︰「我最鍾意佢嘅《問我》呢首歌，細細個已經識唱，係一首好勵志嘅歌。」

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇