【晴報專訊】黎諾懿昨日與黃婉曼、何基佑一同出席《超級奶爸3》記者會，黎諾懿育有兩歲半兒子黎峰睿（小春雞），他透露囝囝正學習四種語言，惟太太下了禁令，不准兩父子用英文溝通，怕小春雞學到爛英語。

黎諾懿、黃婉曼大談子女經，諾懿打算聖誕節帶小春雞去泰國旅行。

　　黎諾懿透露小春雞正學習廣東話、普通話、英文及菲律賓語，由於太太跟囝囝主要以英語溝通，所以囝囝的英語能力最標青，他表示︰「我太太落咗禁令，唔畀我同個仔講英文，佢驚我啲爛英文會荼毒個仔，不過最近我啲英文反而好咗，因為小春雞學啲英文好深，我聽得多就識。」

何基佑主持的《超級奶爸》反應甚好，第三輯將於MyTV Super播出。

　　黎諾懿早前主持節目大講普通話，因為不夠標準，被網民力推成為「港普之父」。問到太太可有禁他同小春雞講國語？諾懿說︰「等佢識講多啲先同佢講，到時太太又可能禁止我講普通話。」他又表示，太太喜歡西方教育，但他希望囝囝學好中文，「因為我見過讀國際學校的小朋友，連一句廣東話同一隻中文字都唔識，所以我會訓練個仔，將來問我攞錢，一定要講廣東話。」

黃婉曼減磅回歸幕前

　　黃婉曼相隔十年重返娘家，直言想再做主持的她，自爆誕下兩名女兒後體重增加了20磅，雖然目前已減掉10磅，但距離最弗狀態仍相差很遠。談到女兒，黃婉曼即滔滔不絕，大讚細女性格樂觀活潑，大女則較cool，她笑言︰「我對住大女簡直係自食其果，當初想佢有主見，就乜都畀佢揀，搞到每次出街揀衫都揀咗好耐，而細女仲可以任我『舞』。」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情