加入最愛專欄  收藏文章 

2021-07-14

黃心穎疑孖泥鯭拖狗約會 黃心美:印象OK呀!

  【晴報專訊】黃心穎和許志安的「安心事件」發生已超過兩年,兩位主角至今仍未能谷底翻身。早前心穎被拍到與緋聞男友樂隊RubberBand的鼓手黎萬宏(泥鯭)帶愛犬外出,心穎家姐黃心美昨日出席活動時被問及此事,拒回答心穎和泥鯭是否情侶關係,但就表示對泥鯭印象不錯。

 

心美到旺角出席活動,被追問心穎感情事,沒有正面回應。

 

  心美昨日到旺角出席活動,對於心穎及泥鯭拖愛狗外出被偷拍,心美透露當天是自己愛犬生日,她和心穎及泥鯭均有帶愛犬去狗cafe慶祝,又直指當日狗狗才是主角。問她心穎和泥鯭是否正在拍拖?她表示︰「我都知你哋會咁問我,佢哋兩個人之間嘅關係,無論朋友定情侶,都唔應該由另外一個外人去答。(你係佢親人喎。)我邊有資格講啫。(要由當事人答好啲?)梗係啦,你哋最好見到佢就問佢。」

 

泥鯭在2019年領養了名為「可樂」的唐狗。

 

  不過提到對泥鯭的印象,心美就表示︰「OK呀,同佢做朋友OK呀!(追心穎係咪都過關?)呢啲係佢哋兩個人嘅事,佢過我妹嗰關,唔使過我關㗎!(你有幫下眼?)幫咩眼吖!」而談到心穎最近的生活,心美透露妹妹閒時都在家照顧愛犬及做運動。

 

限聚令停工有壓力

 

黃心穎十分疼愛領養的唐狗「Love」。

 

  被問到心穎的工作安排,心美說︰「無呀,休息囉,我無理咁多,依家佢面對緊嘅嘢,要佢自己調節心境,屋企人對佢永遠不離不棄,係佢嘅避風港,但點面對,全部都係靠佢自己。(佢有無經濟壓力?)我諗我壓力大過佢,有限聚令好多嘢都做唔到,我主要做司儀工作,但都停晒,停咗年幾,不過我好慳。」

 

  早前有報道指心穎賣樓賺了百多萬,心美表示不知道對方是否賺了這麼多,她稱︰「係投資,價錢啱就賣,我好耐之前同佢夾份喺加拿大買咗層樓,依家都租咗出去。」至於心穎可會離開香港?心美指沒有跟對方談過,也不太擔心,「邊擔心得咁多,佢自己人生,真係無得顧咁多,我顧掂我自己先,佢有佢自己人生,唔係你幫佢做選擇佢就會跟。(佢好洩氣?)咁又無,佢好堅強。」

 

轉載自: 晴報

現凡訂閱etnet YouTube Channel,即賞麥當勞現金券!
► 立即行動

更多娛樂情報文章
你可能感興趣
#黃心穎 #泥鯭 #黃心美 #約會
編輯推介
即時報價
全文搜索
Search
最近搜看
監管風暴
跨境理財通
More
Share