加入最愛專欄  收藏文章 

2021-10-28

預告新片演大賊 郭富城56歲生日放閃

  【晴報專訊】郭富城剛完成電影《掃毒3天大地大》拍攝工作,他透露即將拍攝另一部新電影,認真忙碌。不過,城城前日正式踏入56歲,他在百忙中亦不忘與太太方媛及兩個囡囡慶生,城城又甜笑表示囡囡唱生日歌令他冧爆,一家四口甜蜜溫馨。

 

城城昨日十分風騷,心情大靚。

 

  郭富城昨日出席銀行理財活動,他表示日前剛完成拍攝電影《掃毒3天大地大》,前後共花了四個月。城城透露拍攝期間發生了一段小插曲︰「其實拍攝以嚟我都無乜受傷,但有場戲我要用腳踢劉青雲,但最後竟然係手背流血;我諗應該係對打嘅時候,手背唔小心刮落佢件皮褸嘅拉鍊,流咗成半個鐘血。」問城城會否跟家人分享工作情況?他直言不論開心與否,都一定會跟太太方媛分享每日的工作狀況,認真甜蜜。

 

  不過剛完成《掃》片的城城表示,即將投入新一部電影拍攝,並透露是一部黑色幽默題材的電影︰「今次我會飾演一個大賊,同任賢齊、林家棟合作,至於角色係正定邪,暫時就唔可以透露。」城城指今次答應拍攝,主要希望支持新晉導演,又強調是被劇本打動。

 

兩個女唱生日歌冧爆

 

城城一家四口慶祝生日,兩個囡囡儼如小公主般。(IG圖片)

 

  另外,城城前日56歲牛一,方媛昨日亦在社交網大方分享一家四口慶生的照片,城城表示兩個囡囡均有獻吻及唱生日歌,令他相當冧,「依家兩個女氹得我好開心,佢哋有時睇電視,聽到爸爸把聲唱歌都笑得好開心…如果我同佢哋一齊畫畫,佢哋仲會叫我小心畫出界。」至於生日願望?城城就希望事事順利、世界和平、疫情盡快過去。

 

轉載自: 晴報

【限時優惠】申請etnet強化版MQ手機串流報價服務,加送$50禮券! ► 立即行動

更多娛樂情報文章
你可能感興趣
#郭富城 #掃毒3天大地大
編輯推介
即時報價
全文搜索
Search
最近搜看
內房困局
監管風暴
More
Share