加入最愛專欄  收藏文章 

2020-09-08

《Online有話兒》譚德賽:需為下一波大流行疾病作出準備

  唔講唔覺,新冠病毒(COVID-19)都已經發生大半年,到今日已經有2700幾萬人感染,死亡人數已經接近90萬人,幾時可以停止仍然未知之數,而世衛總幹事譚德賽就警告,全世界需要為下一波大流行疾病做好準備。

 

(Shutterstock圖片)


譚德賽預計新冠病毒唔會係最後一次大流行疾病

 

(Shutterstock圖片)


  譚德賽喺日內瓦主持疫情記者會,會上佢同大家警告,疫症爆發同大流行其實無可避免,所以呢次新冠病毒並唔會係全球最後一次流行病,大家應該做好準備:

  「歷史話畀我哋知,疫情爆發同流行病係生活的現實,所以當下次一流行病來臨時,全球必須要準備好,要比今次做得更好!」

  呢次疫情已經死近90萬人,美國總統侵侵(特朗普)就認為世衛呢次辦事不力同太親近中國,所以退出世衛兼連會費都唔找數。世衛嘅出現本身就係預防疾病大流行,不過而家似乎自己都好頭痕。

暗批美國無加入疫苗開發,譚德賽指民族主義拖長疫情

 

(Shutterstock圖片)


  其實呢次會議已經開咗幾日啦,會上除咗互相交流情報之外,仲包括呼籲更多國家加入世衛與GAVI(全球疫苗免疫聯盟)共同領導的國際疫苗分配計劃「COVAX」,而譚德賽梗係要酸下啲無加入嘅人啦:

  「疫苗民族主義就只會拖慢抗疫工作,所以希望各國公平使用疫苗,呢次要多謝德國、日本、挪威170個等國家入呢個計劃,希望未加入嘅國家都係本月18日前加入啦!」


  佢呢次就無講明邊個係「未加入計劃」同「疫苗民族主義」,不過明眼人都睇得出佢講緊嘅係美國。

 

世衛:人畜共通傳染病機會提高

 

(Shutterstock圖片)


  其實譚德賽咁樣警告並唔係無原因,因為有專家認為,人類大量砍伐森林,令到野生動物被迫進入人類活動範圍,就算一啲病毒本身係唔會傳染畀人類,但由於接觸多咗而令到病毒「變異」,所以人畜共通感染機會大增。


  據目前資料顯示,每年都有10億病例同過百萬死亡病例,都同動物嘅疾病有關,所以政府必須派遣生物學家、動物學家觀察,喺呢啲動物疾病演變成全球大流行之前就將佢殲滅,防患於未然!

 

撰文:李皆穎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

更多Online有話兒文章
你可能感興趣
#理財 #病毒 #新冠病毒 #譚德賽 #世衛 #美國大選 #美國
編輯推介
即時報價
全文搜索
Search
最近搜看
大國博弈
美國大選2020
More
Share