加入最愛專欄  收藏文章 

2021-09-27

狂接逾10個廣告變最強代言人 七仙羽歸位︰下月開拍《七救星2》

  【晴報專訊】人氣高企的風水師傅七仙羽(七師傅)近日為傢俱連鎖店拍攝新廣告,化身rapper大唱大跳,冧爆一眾「七味粉(七師傅粉絲)」。昨晚她接受《晴報》訪問時,自爆現時每日獲十多個廣告邀約外,稍後更開拍《七救星2》及進軍大銀幕,她說︰「嚟緊我會拍古天樂(古仔)投資嘅新戲!」

 

 

  早前七師傅為某傢俱連鎖店拍攝網上廣告,一向廣東話不算靈光的七師傅,在廣告中挑戰急口令,大講「家家有本難念的經」。繼早前在ViuTV節目《七救星》中與男團P1X3L合唱rap歌後,七師傅今次再做rapper,戴粗金鏈配鬆身衫褲上陣,在鏡頭前展現跳唱才華,最後派心心兼送上其招牌對白「師傅愛你」,冧爆七味粉。昨晚七師傅受訪時,透露今次rap住跳舞甚有難度︰「拍攝前一晚先收到歌詞,自己廣東話唔純正,要記歌詞記舞步好考記憶。」

 

七師傅的rapper造型獲網民勁buy。(網上截圖

七師傅坦言死背急口令難度甚高。(網上截圖)

 

向ViuTV報恩

 

早前七師傅揚威廣告頒獎禮,風頭一時無兩。

 

  七師傅今年中拍攝米綫店廣告大受歡迎,原來她由年初至今已拍攝十多個大品牌廣告,日內將推出美容及大型超市廣告,成為新一代「廣告女王」。七師傅笑說:「今年(廣告)算多,搵我嘅好多都係大公司,依家每日都有十幾個大大細細嘅廣告搵我。」廣告以外,她透露早前拍攝葉念琛執導的賀歲片,稍後又演出古天樂投資的新戲,亦會為分別在下月及12月開騷的少爺占及雷深如(J.Arie)任嘉賓等,她笑言自己的工作已排到明年。提到七師傅早前主持的《七救星》在網上成功洗版,觀眾最關心會否開拍《七救星2》?她即披露好消息︰「下月會開拍《七救星2》,今次改名叫《七福星》,預計農曆新年推出,啲嘉賓都係比較多人認識嘅藝人,唔使做啲乜去轉運。(《七福星》比第一輯更爆?)ViuTV捧紅我,所以我要報恩,總之都係拍啲搞笑節目畀香港人睇。」

 

七師傅日前向雷深如派2,000元中秋大利市,相當慷慨。

 

 

轉載自: 晴報

【搶先申請】免費試用etnet強化版MQ手機串流報價服務! ► 立即行動

更多娛樂情報文章
你可能感興趣
#七仙羽 #廣告
編輯推介
即時報價
全文搜索
Search
最近搜看
跨境理財通
恒大困局
More
Share