加入最愛專欄  收藏文章 

2021-08-09

《Online有話兒》特朗普2024年再參選總統?BioNTech業績令人關注!

  相信唔少人近期打開話題並唔係問「食咗飯未?」,而係問「打咗疫苗未?」,疫苗被認為係可以抵抗新冠病毒感染嘅主要方式。呢個時候,沉寂已久嘅侵侵(特朗普)突然開聲,並表示:「無我,美國會死一億人。」而佢嘅第一任白宮新聞秘書Sean Spicer最新爆料,話侵侵會係2024年再次參選總統!

 

 

特朗普認叻,疫苗要歸功於佢?

 

  侵侵鐘億認叻就係人都知,最近佢又向外界連環發炮,認為新冠疫情有改善,應該歸功於佢:

 

  「如果唔係我執政期間研究出新冠疫苗,美國可能會有1億人死於呢種病毒,就好似1917年咁(西班牙流感)。」

 

  不過,現實就係侵侵在任期間,美國官方統計數據顯示,有大約40萬人死於新冠肺炎;而侵侵落選之後,輝瑞及Mordena先將研究成功疫苗消息公布;而侵侵下台後,係佢執政期間合共交付1650萬支疫苗,遠遠未符合當時佢所承諾嘅2000萬目標。現任總統拜登仲加多句:「呢個數字真係令人沮喪。」

 

BioNTech次季料按年賺多82倍

 

 

  另一邊廂,全誠都關注緊疫苗公司BioNTech,因為佢將會係今日稍後第二季度業績,分析師預期公司收入同比增長有82倍,而且今年以來累積升幅已經有近4倍,由80幾蚊美金升到而家近390蚊美金,有買中就真係FAT FAT囉!

 

  另外一個消息就係,FDA計劃於下月初全面批准輝瑞/BioNTech嘅新冠疫苗落地美國,有分析指,如果疫苗緊急使用授權(EVA)轉為全面批准(Full approval)的話,好多大學同醫院、政府單位都會強制接種疫苗,等「群體免疫」可以更有效運行。

 

美企各出奇謀,力谷員工接種率

 

  至於企業之間又點做呢?好似亞馬遜咁就絕不手軟,最近外媒報道,亞馬遜為鼓勵員工接種,就提供「Max Your Vax」抽獎活動,最高中獎額係50萬美元現金,仲有其他抽獎例如新車、酒店度假套票等等,合共18個獎,獎金獎品價值合共約200萬美金。

 

  而超市巨頭沃爾瑪就玩另外一招-打針即收錢,今年5月,凡係打針員工就會立即獎勵75蚊美金;到7月就將獎金翻倍至150美金,而先前收到75蚊美金嘅員工都可以獲得補發。美國企業為提高員工接種率真係無所不用其極,如果我打完針都有現金獎拎,打10次啊唔該!

 

撰文:李皆穎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

現凡訂閱etnet YouTube Channel,即賞麥當勞現金券!
► 立即行動

更多Online有話兒文章
你可能感興趣
#Online有話兒 #侵侵 #特朗普 #疫苗 #BioNTech
編輯推介
即時報價
全文搜索
Search
最近搜看
監管風暴
施政報告
More
Share