還記得童年時期，每天晚飯時間，經常有小販背著賣淨的西米糕到公屋每層的走廊叫賣。他們叫賣的口號: 白糖糕、西米糕...... 由走廊頭叫賣到走廊尾，然後再轉去另一層叫賣。所以，每當聽到小販叫賣的聲音，就快快跑到門前叫停小販，而我最喜歡吃的就是西米糕。原因係西米糕內除咗有豆沙餡外，西米糕外層食入口又彈牙，真係食一件都唔夠，可惜當年零用錢有限，不能多買呢 ! 

 

　　隨著時代的改變，就算大家想尋回兒時味道，都較為困難。唯有自家製作，才真正可以品嚐到。

 

　　今期韋太教授大家做的西米糕，餡料改用紫薯，紫薯有益健康，含有的花青素是強效自由基清除劑，是天然的抗氧化劑，能夠起到抗氧化、防止皮膚老化的作用。

 

　　它還可以刺激腸道，增強腸道蠕動，軟化糞便，以達到促進排便、預防便秘的效果，有助女性清腸排毒。

 

　　有咁多好處，多食幾件都唔會怕肥啦 ! 

 

 

烹煮時間: 1小時

份量:  5件

 

材料： 

紫番薯    120克 

西米      40 克   

馬蹄粉    20 克 

清水      3湯匙

砂糖      25 克

菜油      1/2 湯匙

 

用具  :  蛋撻模 或 圓形模具

 

做法：

1.用鍋燒熱1量杯清水(材料份量以外)，水滾放入西米煲7-8分鐘，然後關掉爐火，密蓋焗15分鐘，再開火煲4-5分鐘至西米完全呈透明狀，倒出西米隔去水份， 用凍滾水冲洗至涼透， 瀝乾水份備用。

 

 

2.紫番薯去皮切薄片，加入2湯匙清水，隔熱水蒸熟至軟身，趁熱用叉子壓成茸，放涼成餡料。

3.馬蹄粉加清水拌勻，加入西米內，另再將砂糖及菜油加入拌勻。

 

 

4. 模具要預先掃上油，將西米糊倒入約七成滿，加入適量的紫薯茸，再加入餘下的西米糊，放入蒸籠內，大火蒸約8-10分鐘至透明，放涼，用牙籤將糕挑出，即可享用。

 

 

小貼士:

馬蹄粉較粗粒，可以預早用清水浸發半小時，效果更佳。

甜度可以自行再調較。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動