收藏文章 

2018-08-24

民協的「後馮檢基年代」誓要辟走「藥油」味 仲想加啲「女人味」

  自從民協Icon馮檢基(基哥)退出民協之後,大家都好好奇佢哋沒有基哥的日子點樣過?民協今日就舉行咗個茶聚,仲開宗明義咁話係講「後馮檢基年代」嘅民協添!咁直接?Jenny梗係要去八吓先!

 

 

民協版BigBoysClub?

飛甩老土 重開實習計劃吸新血

 

  民協雖然係2016年改選時換咗批年輕人做領導層,但係佢哋一直畀人嘅印象都仲係一個好「老」嘅政黨。民協主席施德來(阿來)就同Jenny講,佢哋都有Keep住傳統模式,又會加啲新嘢,例如重開實習、搞工作坊呀、開Whatsapp群組同年輕選民交流等等,仲話同啲實習同學仔交流時,可以知道而家啲年輕人眼中嘅民協係點,學吓點辟走民協陣「藥油味」!不過阿來就特登同Jenny強調返,其實佢哋同實習同學仔都唔係差好遠啫!

 

除左基哥 冇人走喎

 

  咁民協冇咗阿基,究竟仲o唔ok?阿來就覺得「梗係ok!」,事關支持民協嘅街坊好多都係認同民協個理念,加上阿基都同民協有合作,所以人事上同財政上都冇大變化。咁有冇少咗人先?阿來就話成員都係維持90個左右。而「掹車邊」係九十後嘅秘書長黃虹銘(Ian)仲好鬼馬咁答:「少咗一個(基哥)囉!」

 

民協男人堆 想要「小花」調劑下

 

  縱觀成個民協領導層清一色係男,成個和尚寺咁,所以講起建制派呢幾年大大力咁培養「小花」呢個話題,佢哋即閃閃眼:「我哋都想有呀!」副主席楊彧仲Sad Sad哋咁話,「小花」的確可以吸引到啲上咗年紀嘅老人家愛錫,有新鮮感啲,但係其實個個黨都好難吸引後生女加入嘅,除咗啲資源豐富嘅黨啦……你懂的!

 

  睇嚟民協除咗要辟走「藥油」味,仲要努力搵方法加啲「女人味」喇!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
更多言歸政傳文章
你可能感興趣
#民協 #藥油 #女人味 #馮檢基 #後馮檢基年代 #立法會 #90後 #80後
編輯推介
即時報價
全文搜索
Search
最近搜看
25周年慶
More
Share