每次去酒家飲茶，點選點心時偶然都喜歡點一碟香煎蝦米腸。每次點選時都會再三叮囑要求腸粉煎脆啲，但可惜都係唔夠香脆 ! 原因有時係本身蒸的腸粉太軟身及濕，點煎都唔會脆，所以，都係點選蒸腸粉罷了 ! 

 

　　韋太經常教授一些簡單易做的食譜，方便大家學習，其實都要關注埋移居海外的朋友，唔駛去唐人街找中式酒家，自家都可以製作到精美酒樓點心。

 

　　適逢踏入7月，學生們都快放暑假，家長們除了要為他們安排暑期活動之外，每天可能都要安排茶點來招呼他們。所以，韋太會一連五個星期教授大家做些點心，大家假期有時間還可以作親子活動一齊做呢 !

 

製作時間: 1小時

份量: (約 8-10條)

 

用具: 

 

 

　　長盆尺吋: 8 吋 x 11 吋

 

粉漿材料:

 

 

　　粘米粉 160克、澄麵 10克(即小麥粉)、生粉 20克、清水 500毫升、菜油  1 茶匙、鹽 1/4茶匙

 

餡料:

　　蝦米 1湯匙、蔥粒 20克

 

蘸腸粉醬料: 

 

　　甜豉油、海鮮醬或芝麻醬 各少許 

 

腸粉做法: 

 

 

 

　　1. 將粉漿材料全部放入大碗內拌勻，放置室溫靜止30-60分鐘。蝦米用清水浸軟，備用。

 

　　2. 預備一張與蒸盆尺吋大的牛油紙，紙面掃油，將牛油紙放在長盆內，將適量的粉漿倒入盆內，粉漿要剛好覆蓋牛油紙表面，薄薄一層，然後灑上蝦米、蔥花加上鑊蓋，蒸約2分鐘至粉皮熟透即成。

 

　　3. 將牛油紙取起，然後慢慢反轉放在已掃油的膠墊上，將牛油紙向下拉低，即時將粉皮分割2份及將粉皮趁熱捲起成腸粉。

 

　　4. 燒熱鑊，落1湯匙油，腸粉放入鑊內，煎至兩面金黃色即可上碟，加上豉油及醬料蘸食。

 

韋太小貼士 :

 

　　1.每次放入的粉漿要每次再攪勻及倒入薄薄一層，太厚的粉皮捲時會裂開及口感欠佳。請先試蒸一塊粉皮，然後即時調整厚度。

 

　　2.這個食譜份量可製作8-10條腸粉，但要視乎厚薄的製作，如第一次試做，建議預多一份的材料去做，以免浪費等候重新浸粉漿時間。

 

　　3.澄(音:鄧)麵可以在雜貨店購買，澄麵一般用來製作中式點心，常用於蝦餃皮。   

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

etnet榮獲HKEX Awards 2023 「最佳表現證券數據供應商」大獎► 了解詳情