最近唔少議員都呻被人「擺上枱」，Jenny覺得呢排野豬先係被人擺上枱！繼上星期四（10日）特首答問大會講完野豬避孕、引入「天敵」（即係獅子老虎）之後，又有隻「狼」對佢哋虎視眈眈噃！講緊嘅就係呢排頻頻就野豬議題喺網上出文，意圖刷存在感嘅前特首梁振英（CY）喇！

周末想一隻都唔放過 今日關心豬仔餓唔餓

　　是咁的，上星期六（12日）CY喺Facebook就開Post話，「野豬野狗野貓老鼠曱甴都是野生動物」、「野狗野貓會被人道毀滅，老鼠和曱甴會被毒殺，野豬為甚麼有不同待遇？」，言下之意好似想政府都去人道毀滅野豬先得，仲話只為部分野豬避孕或絕育，都係解決唔到衛生問題。睇嚟CY同（野）豬都幾大仇口，想趕盡殺絕咁喎！

轉身個射三分波 原來冇和好過

　　點知過咗幾日，CY又以「餓死野豬」為題開多個Post，但係今次就係不滿漁護署話要清理廚餘以減少野豬噃！佢話：「野豬不能吃垃圾裡的廚餘，哪野豬一家大小吃甚麼？」仲反問「 平白餓死野豬，人道嗎？」咁關心一班豬豬嘅生死安危，Jenny一望，嘩！態度180度變，唔通有人代筆？定fb被黑客入侵？

　　不過睇埋個Post嘅下一句：「肚餓的野豬，攻擊人的可能性更大。」原來CY係擔心啲肚餓嘅豬會威脅到佢嘅人身安全，先至關心佢哋嘅肚仔咋！Jenny仲以為佢哋終於有和好如初嘅一日添！

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

全新節目《說說心理話》青少年不可以戀愛！？真實個案講述驚心動魄經歷► 即睇