加入最愛專欄  收藏文章 

2023-11-07

ViuTV蘇梅拍旅遊節目意外頻生!Pony炒車手腳擦損!Ah Gi樊沛珈潛水浸親:第一次咁近死亡

樊沛珈(Ah Gi)去年加入MakerVille,以主持工作為主,拍了不少綜藝節目。日前Ah Gi到泰國蘇梅拍攝旅遊特輯,因潛水發生意外而入院留醫,認真搵命搏。

 

仙氣。

 

樊沛珈Ah Gi曾被封為YouTube界女神,IG擁有約16萬followers。

 

  Ah Gi於YouTube頻道「啱Channel」出道,以高冷形象見稱,被封為「黑面女神」。去年成為MakerVille藝人後,主持過綜藝節目包括《今餐有料到》、《究食狩獵王》、《無限試煉場》以及旅遊節目《撞名撞城遊一番》等。工作量不少的她,日前與米媽米露迪、Pony(蔡寶欣)和溫湯馬仕(Thomas Windle)到蘇梅拍攝旅遊節目,卻搞到入醫院。

 

工作量不少。

 

陽光與海灘。

 

  Ah Gi日前貼出人在病床、插住鼻胃管的病樣,她透露拍攝潛水,潛到水底時浸親,「因為我潛水喺水底浸親,濁咗好啖海水,上返船嘔咗幾次,我本身以為無事,點知我越嘔越多次,唞氣越來越氣喘,所以去咗睇醫生,驗完同照X光,醫生話我個肺有啲發炎,同埋胃有少少出血,要留院觀察一晚,吊返鹽水同抗生素。最辛苦係插胃喉。」其後她又表示:「濁親嗰下喺水底6米,應該算好彩,第一次覺得自己好近死亡...通常都係過咗先識驚,諗番心有餘悸,返到嚟要還神,大難不死,必有後福。」

 

 

 

 

 

 

 

 

 

 

 

 

 

 

 

  Ah Gi之後報平安指無事出院,昨日(5日)亦已回港,並自拍一張機上照片,黑超下也難掩其憔悴臉容,「雖然驚險,但呢個旅程其實好開心」,她更指為免媽媽擔心,沒有把意外告知對方,「返到嚟好想同媽咪講我浸親,但都係無講,唔想嚇親佢,而家真係好想身體健康。」拍攝時,除了Ah Gi發生意外,另一位主持Pony也透露「炒車」,令手、腳擦損,額頭更撞腫了,她表示:「個額頭同魂精好,感覺到有排先可以捽散,碌下雞蛋先。」

 

 

 

 

 

 

 

 

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情

更多娛樂情報文章
你可能感興趣
#樊沛珈 #Ah Gi #泰國蘇梅
沒有相關資料。
編輯推介
即時報價
全文搜索
Search
最近搜看
大國博弈
貨幣攻略
More
Share