在這個弱肉強食的世界，一山不能藏二虎是最sad but true的定律。學生時代考公開試要「拉curve」；長大後投身職場，亦承傳著「唔係你死就係我亡」的肉食性本能。

 

　　又來到公司要「交人」的季節，我不得「逆天而行」，即使無可避免要隨波逐流，亦力求不同流合污。「德少，你覺得今年K同F表現如何？」老闆問。

 

　　就在我還在整理答案的時候，老闆表面解難暗加壓插一句︰「你覺得K邊方面表現唔及F？」老闆果然是老闆，既不放棄任何一個左右結果機會，亦不隨便流露個人喜惡，滴水不漏，兼一切盡在掌握之中。

 

　　「你唔好玩我啦老細。」我心裏吶喊，當然不能宣之於口，只能條件反射式回答︰「其實佢地各有優點，K個人做嘢就好細心嘅，好似上次……（為保同事私隱及公司機密，內容省略不贅）；至於F呢，就好有鬥心，……（同上）」

 

　　老闆自然認為小弟講咗等於無講，皺了一下眉。「就咁，德少，你最清楚公司政策，同事加人工嘅幅度一般根據過去一年工作表現為標準……」他故意拖長尾音，明顯是要我接下去。

 

　　「明白，老闆。」我說。其實我不明白，為甚麼人一定要比較高低勝負，這樣不但傷感情，而且對同事本身個人發展亦不利。「佢地都各有各要改善嘅地方，」我清清喉嚨，老闆眉頭皺得更緊。

 

　　我知道，如果繼續說下去的話，最必須「改善」的就一定是小弟本人。於是我說︰「不如我同佢地傾下。」小人告退。

 

　　我分別向K和F問了同一個問題。我問︰「你覺得自己今年表現點樣？」

 

　　K答︰「我覺得我出年可以表現得好啲，例如（……）」

 

　　F答︰「你覺得我邊方面表現唔及K？」

 

　　高下立見。

 

　　我看著F就替他辛苦。怎可以問這些陷自己於不義的問題？「你覺得我邊方面表現唔及K？」的前設，就是承認「我不及K」了。

 

　　別人對我們的看法，我們無法掌握；然而我們自己如何自我定位，則全然是個人選擇。

 

Source: ctgoodjobs.hk

• 

《說說心理話》與你分享遭遇欺凌該如何應對　教你兩個方法輕易彈走負面情緒► 即睇