2022-01-26Text: Ariel Chan Photo: 由各大品牌提供

農曆新年2022 | 賀年送禮Last Minute提案！紅噹噹糖果大寶盒、超豪賀年禮籃、賣萌造型、純素甜點，體面有新意

#3 如心酒店︰矜貴賀年禮物籃網購免費送貨

　　如果要向長輩或尊貴客戶拜年，如心酒店推出的3款精美賀年禮物籃就啱晒你，分別有「普天同慶禮物籃」﹑「富貴吉祥禮物籃」及「金玉滿堂禮物籃」，售價由$988至$2688不等。睇睇外型，整個禮籃都紅噹噹，送禮夠哂好意頭！各禮物籃的「內餡」都不同，大致有如心出品的蝴蝶酥、阿翁鮑魚、Ruinart 香檳和賀年糕點等等。最重要的是，目前在網店訂購賀年禮物籃更可以享單一地址免費送貨！

普天同慶禮物籃 $988

內有︰五香臘味芋頭糕 (900 克) 、瑤柱臘味 XO 醬蘿蔔糕 (900 克) 、如心蝴蝶酥禮盒 - 原味 (12 件) 、朱古力禮盒(16 粒) 、茶葉禮盒 (12 包)

富貴吉祥禮物籃 $1888

內有︰Ruinart 頂級法國香檳 (375 毫升) 、瑤柱臘味 XO 醬蘿蔔糕 (900 克)、椰汁金糖年糕 (900 克) 、如心蝴蝶酥禮盒 - 原味 (12 件) 、朱古力禮盒 (24 粒) 、茶葉禮盒 (12 包) 、如心聯乘 ZWILLING®️保溫瓶

金玉滿堂禮物籃 $2688

內有︰Ruinart 頂級法國香檳 (750 毫升) 、瑤柱臘味 XO 醬蘿蔔糕 (900 克)、五香臘味芋頭糕 (900 克) 、朱古力禮盒 (24 粒) 、如心蝴蝶酥禮盒 - 雜錦口味 (12 件) 、阿翁蠔皇鮑魚(六隻罐裝) 茶葉禮盒 (12 包) 、如心聯乘 ZWILLING®️保溫瓶

　　除了禮物籃之外，如心酒店同時提供其他的節日禮盒，有新春限定的「如心蝴蝶酥禮盒」（$188-$288）及「朱古力禮盒」（$218）。還有送禮自用都適合的「馬卡龍禮盒」（$50-$259.2）和「阿翁蠔皇鮑魚—四隻禮盒裝」（$298），總有一款啱你！

「如心蝴蝶酥禮盒」（下）$188-$288

「朱古力禮盒」（上）$218

如心酒店

售賣點︰網店（最少3日前預訂）

#4 Twinkle Baker Décor ︰超萌卡通禮盒！睇得、用得、食得！

　　誰說賀年禮盒一定要走傳統正經風？卡通造型的一樣有濃厚的新春氣氛！不信？那就要睇睇 Twinkle Baker Décor的新春禮盒！「POMPOMPURIN 聚寶福星」以圓滾滾的POMPOMPURIN登場，它化身成貴公子之餘，頭上經典的貝雷帽更換上了中式傳統帽子！不說不知，原來帽子是一個五吋陶瓷碗！打開一睇，就見到有 POMPOMPURIN造型的椰汁年糕、紅棗年糕與牛油曲奇，令人愛不釋手，送給童心未泯的朋友或小朋友就啱哂！