如果有人知道你日日都會睇某一份報紙，然後特登去呢份報紙登頭版廣告同你Say個「Hi」，成件事係唔係好浪漫呢！嗱，貴為全國政協副主席嘅前特首梁振英就有呢個「榮幸」喇！Jenny真係恨都恨唔嚟啊！

 

原圖：社民連

 

齊齊問候梁振英

 

　　Jenny見梁生呢排日日都喺度數香港某份報章有幾多個全版廣告，風雨不改，吸咗唔少觀眾。網友當然都有留意呢件事食吓花生咁啦，咁蹺社民連主席吳文遠，同埋毛記電視主持東方昇不約而同地提議，既然梁振英咁有興趣數廣告，不如搞個眾籌，喺嗰份報紙登廣告「＃問候梁生」啦！

 

　　吳文遠仲坐言起行，向嗰份報章查詢咗登廣告價錢、法律問題等等，噚日（2日）就即刻發起個眾籌。本身就諗住籌3萬蚊登個內頁廣告，點知話口未完，去到今日下午3點幾，就籌咗11萬！

 

眾籌都有得搞內訌

 

　　家下吳生就決定「向A1頭版廣告進發」，等人人一眼就睇到，亦都話已傾好咗廣告已定喺下星期一（8日）刊登。Jenny真係好好奇個廣告有咩內容？梁振英星期一見到份報紙會有咩反應呢？

 

　　講時講，呢個眾籌大計亦都搞到唔用陣營嘅「民主支持者」內訌噃！皆因東方昇出Post之後吳文遠先再出Po，唔少人就大鬧吳生係「抄抄子」、搶人風頭、搏出位等等，逐漸變成罵戰。吳生下晝就出Po，話上星期五（3月29日）已呼籲登廣告，因為要傾法律問題、報價等等，所以噚日先推眾籌。然後，仲加咗句：「我只能夠說，我沒東方昇咁紅，呼籲後迴響沒有他的那麼勁。」咦？聞唔聞到葡萄味呀？不過，另一頭嘅東方昇都出Po，話Idea係吳生提出先……Oh！咁叫唔叫縮沙？你叫支持你嘅一眾網民情何以堪？Anyway，而家你地就叫「打和，Super！」但網民就睇嚟有排先大和解喇！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

全新節目《說說心理話》青少年不可以戀愛！？真實個案講述驚心動魄經歷► 即睇