加入最愛專欄  收藏文章 

2021-10-18

《白色強人II》無緣做台慶劇 陳豪唔覺爭視帝輸蝕

  【晴報專訊】無線近日陸續推出台慶劇,原定由陳豪、郭晉安等孭飛的重頭劇《白色強人II》亦為其一,但卻臨時被抽起。貴為視帝的陳豪表示未有失望,並對劇集有信心,更笑指可留待明年再爭視帝。

 

陳豪對主演的《白色強人II》十分有信心。

 

  陳豪昨日出席「醫患糖尿『心』度Coffee Talk」活動,對於主演的《白色強人II》原定被安排成為台慶劇,但臨時被抽起,陳豪坦言未有失望︰「其實都唔會好失望,我對套劇有信心,以呢個卡士同劇種,幾時出街都無所謂。(今年爭視帝輸蝕?)唔緊要。(因為已經攞過?)又唔係咁講,每年都有每年嘅鬥爭,今年唔得咪出年囉。」

 

太太自製健康餐單

 

Aimee關注家人健康,炮製健康菜式。(資料圖片)

 

  陳豪對沖調健康咖啡相當有心得,他直言隨著年齡增長,愈來愈注重健康,他說︰「依家食嘢都盡量小心,除咗注重營養,亦都唔想食唔好嘅食物,令身體負荷太重;脂肪同內臟都少食,雞皮同牛扒脂肪以前都好鍾意,但依家已經戒咗。」不過,陳豪透露太太陳茵媺(Aimee)比自己更緊張飲食問題,Aimee更會為三個仔女自製健康餐單;兩公婆重視健康,小朋友是否不能夠接觸零食?陳豪解釋︰「咁又唔係,我都唔建議小朋友喺飲食方面太嚴謹,其實有啲零食都可以好健康嘅。」

 

  問本身開咖啡店的陳豪,會否在店內售賣Aimee親手炮製的食物?他笑言在商業角度上不能夠亂來,但他建議可由太太設計餐單,交由咖啡店大廚烹調。

 

轉載自: 晴報

【限時優惠】申請etnet強化版MQ手機串流報價服務,加送$50禮券! ► 立即行動

更多娛樂情報文章
你可能感興趣
#白色強人II #陳豪 #台慶劇
編輯推介
即時報價
全文搜索
Search
最近搜看
內房困局
監管風暴
More
Share