加入最愛專欄  收藏文章 

2024-02-28

王菲謝霆鋒機場超Sweet放閃!當眾輕打謝霆鋒手臂撒嬌!簽名時被fans稱呼為XX超震驚

  天后王菲與謝霆鋒去年於北京機場重演23年前「世紀拖手」,呢段橫跨咗多年,離離合合嘅戀情,一直都被網民「神化」,令佢哋低調得嚟都被迫高調,早前二人又再喺機場「低調放閃」,舉手投足都令萬眾觸目。

 

  鋒菲戀一向都愛得轟烈,早前深夜,王菲同謝霆鋒由日本旅行返北京,兩人包到實晒咁一同抵達機場,僅露出雙眼嘅王菲完全遮唔住明星光芒,一眼就畀人認到。鋒菲坐膊頭貼膊頭坐電動車,甜蜜互動閃到大家眼都盲。

 

當年好轟動。(資料圖片)

 

  二人開車前有人向王菲索取簽名,粉絲成功拎到簽名後王菲問fans係用咩相機,忍唔住瞪大眼睛問:「寶麗萊?(即影即有品牌名)」謝霆鋒隨即糾正係叫做「拍立得」(即影即有內地叫法),一向予人「高冷」感覺嘅王菲發嬌嗔輕輕打謝霆鋒手臂,然後笑住重複「寶麗來」,霆鋒則眼神有愛望住王菲。後來有粉絲同王菲道別講「姐姐再見」,王菲一臉驚訝地轉頭同霆鋒表示:「她叫我姐姐!」少女又可愛一面盡現。之後有粉絲追車再索王菲簽名,王菲都冷靜咁默默簽埋,似乎心情都唔錯。

 

 

  謝霆鋒與王菲呢段相差11歲嘅姐弟戀一直都喺大家眼底「成長」。1999年底,謝霆鋒經梅艷芳介紹認識王菲,不久便傳出緋聞,而雙方都沒有否認。2000年梁朝偉憑《花樣年華》獲得坎城影帝而回港開慶功宴,謝霆鋒同王菲都係嘉賓,而二人當時大方一齊離開,王菲仲當眾拖謝霆鋒走,正面承認戀情。不過二人冇耐之後都係分手,2006年謝霆鋒同張栢芝於菲律賓結婚,連父母都唔知情,但2011年2人正式簽字離婚,五年間誕下Lucas同Quintus兩個仔,離婚後隨栢芝生活。2014年謝霆鋒被影到同王菲一齊坐車,有指二人當時已經復合。

 

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情

更多娛樂情報文章
你可能感興趣
#愛情 #結婚 #歌手 #娛樂 #機場 #王菲 #謝霆鋒 #演員 #離婚 #緋聞 #張栢芝 #相機 #北京 #日本 #分手 #影視娛樂
編輯推介
即時報價
全文搜索
Search
最近搜看
大國博弈
貨幣攻略
More
Share