13/04/2018

【各有各玩】我撞破了鄰居太太的姦情

  • 加入最愛專欄
  • 收藏文章
  • Ayu 阿愚

    Ayu 阿愚

    曾任職傳媒行業,不學無術,筆耕半生才悟出「識人好過識字」的大道理。患有輕度社交障礙,依靠與異性溝通來緩和不安情緒;習慣在單身主義與渴求歸宿的兩極中矛盾穿梭。

    我單身但我快樂

    逢周三更新

  「我哋各有各玩,總之返到屋企見面就繼續做返對恩愛夫妻,當無事發生過!」這句話出自我的鄰居R太太口中。

 

  事緣我把車子駛入住所大廈的停車場時,恰巧看見R太太與一位男士吻別,那位男士顯然不是我見慣的R先生。既然被我碰個正著,平日鄰舍關係還不錯的R太太,便索性向我直認那位男子是她的已婚上司。

 

  「其實我老公都好多女人㗎,有時朋友話我知見到佢同個後生女一齊,有時又有啲女人send message俾佢,連我自己都試過喺戲院撞見佢同個女人喺睇完戲行出嚟,不過當時我都陪緊另一個。算數啦…… 我好fair!」她說。

 

  為人師表的R先生,一樣「犯下了全天下男人都會犯的錯」(摘自成龍語錄),而且更是一名慣犯。可見出軌這回事,不曾有男女、年齡、資產、職級、社會地位之分。

 

  「我哋婚前已經係咁,或者都算perfect match嘅!大家唔需要為對對方唔住而內疚。唔好話係佢,就算係我自己,都無可能一世人淨係對住佢一個男人啦,悶都悶死!」既然選擇從未停止過,為何還要結婚?「生活又係另一回事嘛!況且以前啲SP好多都已婚,一係就太細個,咁當時我老公的確係適合人選嚟。」R太太簡單道出了一種非常另類的婚姻狀況,各有各玩是富豪夫婦的專利嗎?不不不!平民小夫妻一樣可以;道德問題?只觀乎兩人之間的「默契」。

 

  不怕R先生有日會變心,要求離婚嗎?「離咪離囉,我一早有晒心理準備,但話唔定係我搵到第二個先呢!呢個年代,離婚已經無咩好驚,尤其我哋又無仔女!」

 

  沒有子女,這一點真的很重要。在這個家庭成長的孩子要怎麼教?搞不好就是愛撒謊的父母告訴孩子要誠實做人。丈夫會教兒子如何讓姦情瞞天過海?抑或教女兒交男友要帶眼識人?最怕是,有日一位大叔帶著DNA化驗報告前來,叫你喚他一聲爸爸……

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全城注視!銀行定存比較神器,助你搵到最佳息率!► 立即了解

我要回應

You May Also Like

沒有相關資料。

放大顯示
名廚食譜

Travel, Eat, Sleep, Repeat

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ