【晴報專訊】近日張栢芝活躍於社交媒體，每日Po相、Po片發表限時動態與網友互動。日前出海與陽光玩遊戲的栢芝，竟然敷住面膜玩Wakeboard，化身蒙面美人魚教大家護膚。不少粉絲勁Like她唔造作，展現不一樣的我；有人則嫌玩得太盡難接受！

　　炎夏天氣酷熱，正值出海旺季，一向熱愛水上活動的栢芝亦把握時機，經常在社交網開心「些牙」出海玩Wakeboard的英姿。昨日，她先後上載短片及照片，分享出海的樂趣。

栢芝不時在社交網上載滑水英姿，確實有姿勢有實際。

　　栢芝昨晨Po的短片中，竟然玩另類，她戴上面膜坐快艇出海自拍，又風騷指造型奇怪也沒辦法，高喊「理得人哋話我咩啦」、「呢個就係2017年嘅造型」等。栢芝又在片段中騷一騷手上一盒全新面膜，可謂做足準備工夫。

拍片教滑水減肥法

敷住面膜的栢芝，神態自若地趴在滑水板上，並自爆經常滑水以保持身形。

　　其後，她化身美人魚趴在滑浪板上雙手撥水，栢芝自言這樣能有助減肥，並稱平時玩Wakeboard會在海中四小時靜候大浪降臨。她留言︰「因為我著咗救生衣，所以動作無咁好，但係真係可以減肥，大家有無留意最後嘅偏（片），見我好似條魚咁游了出鏡。」

　　此外，擁有多年滑水經驗的栢芝又在FB上載在吐露港敷住面膜玩Wakeboard的短片，雖然最後她也沉落水，但自封是美白的稻草人，似乎玩得甚為過癮。很多粉絲大讚栢芝夠膽敷面膜落水，懶理閒言勁可愛；有人卻戲言其造型太特別，嚇親海中的魚群。