【晴報專訊】《宮心計2深宮計》昨晚播出大結局，馬浚偉、胡定欣、馬國明及蕭正楠等一班演員往鑽石山出席《深宮結局齊齊睇》，與市民一齊煲劇，場面墟冚。

馬國明與黃心穎這對情侶檔，昨晚繼續成為被玩對象。

　　忙於拍劇的馬國明趕及大合照時到場，他甫上台即自動站到女友黃心穎身邊，更被蕭正楠取笑︰「你睇佢企喺嗰度，我哋係嚟宣傳，唔係嚟拍拖。」馬明反擊︰「係大會叫我企呢度。」提到被梅小青欽點拍攝第三輯，馬明表示︰「我未收到消息，如果係真都開心。」但心穎在劇中飾演的若芊已死，她即表示︰「咁我係咪無份？」馬明安撫她︰「第三輯應該係新故事，想集合原班人馬，多謝編審，劇本寫得好好，有幾場戲自己都好感動同好鍾意。」

馬仔與胡定欣忙於為舞台劇《偶然‧徐志摩》演出，昨晚姍姍來遲。

　　而馬浚偉得悉有意開拍第三輯，表示開心，他說︰「多謝觀眾支持，有口碑，又有30幾億點擊係唔容易，對我哋打咗支強心針。」胡定欣建議可將劇集拍成喜劇版，馬仔則笑言︰「或者改成舞台劇，套劇咁多對白，應該每個演員加入一塊晶片入腦，對白就可以彈出嚟。」定欣提到劇集在內地播出時，她無論粧容或者由忠變奸，都被網民一面倒批評，但最終憑一場戲令觀眾對她改觀，定欣表示︰「嗰場戲講我同馬仔決裂，我講咗好多深情剖白。」馬仔撑她︰「有人鬧應該開心，證明觀眾睇得投入。」