【晴報專訊】過往在劇集多以性感形象示人的朱晨麗，在新劇《特技人》中突破戲路，以打女姿態現身，更親身演繹多場動作戲。昨日她笑言希望開拓新形象，以動作女星為目標。

露出小蠻腰的朱晨麗，自言對新劇收視有信心。

　　朱晨麗、譚俊彥（Shaun）、關楚耀、傅嘉莉及沈卓盈等，昨日在九龍城室內小型賽車場宣傳新劇《特技人》。朱晨麗在劇中飾演女替身，她說：「我個角色性格好Man，好多動作戲，有飛車又有爆破場面。（走打女路綫？）我都希望開拓多一條路，雖然拍攝過程好辛苦，但拍出嚟效果好好，我覺得自己好有勇氣，好正！」

　　提到今屆港姐只在西貢拍外景，身為11年港姐冠軍的朱晨麗說：「我當年去台灣拍外景，都好近呀。」有指無綫下令封殺港姐御用司儀曾志偉，她坦言難忘當年由對方宣布自己奪冠：「當年志偉有考我口才，仲拖住我媽咪宣布我係冠軍，所以印象好深刻，但我會尊重公司安排。」

沈卓盈唔嬲陳凱琳

沈卓盈笑言待陳凱琳婚後，才相約「少婦聯盟」一同慶祝。

　　同場的沈卓盈與本月嫁人的陳凱琳（Grace）同屬「少婦聯盟」好姊妹，不過據知陳凱琳沒有邀請太多圈中人出席婚禮，沈卓盈更表示沒有請假，問她未獲邀出席婚禮會否生氣？她笑說：「唔會，我哋戥Grace開心，唔會呷醋！」