29/08/2018
相隔19年演《再創世紀》 郭晉安︰做唔番當年味道
【晴報專訊】99年首播的百集長劇《創世紀》,多次在深夜重播時段創佳績,無綫事隔19年再開拍的續作《再創世紀》,已是全新故事,更找來在《創世紀》演「馬志強」的郭晉安任男主角。安仔笑言已做不回當年「馬志強」的感覺,但開心跟劇集一起成長。
郭晉安在新劇飾演極具野心的商人。
郭晉安、周柏豪、楊怡與林文龍等一眾《再創世紀》演員,昨日在將軍澳出席宣傳活動,他們更盛裝行紅地氈,而新劇將於九月十日首播。安仔是劇中唯一由《創世紀》過渡到《再創世紀》的演員,當年在《創世紀》演「馬志強」的安仔,今次演全新角色,至於「馬志強、葉榮添、許文彪」的三劍俠組合,則落在周柏豪、袁偉豪與鄧佩儀身上,難怪安仔笑說︰「我當年個角色已經被人做咗啦!」
讚周柏豪似「葉榮添」
鄧佩儀與周柏豪在劇中有不少對手戲。
安仔大讚身旁的柏豪說︰「我覺得柏豪真係幾似葉榮添,睇佢哋做戲,有種年輕人嘅衝動,睇到羅嘉良嘅後生版。」他笑言期待拍《再三創世紀》︰「我好榮幸同劇集一齊經歷成長階段,但就一定做唔番馬志強嘅感覺啦。」
至於柏豪笑言當年有煲《創世紀》︰「當時十幾歲,同媽咪一齊睇,無諗過十幾年後自己唔單止有份拍,仲唱埋主題曲,感覺好神奇,亦都好proud of自己!」安仔聞言笑說︰「我好明白你心情,入行無幾耐總會有呢種諗法。」柏豪又表示羨慕安仔往捷克布拉格及加拿大拍外景,自己卻在深水埗開工,講笑說難免酸溜溜。
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇