【晴報專訊】張敬軒早前與DJ Donald遠赴澳洲悉尼拍攝「天才遊童2018-悉尼篇」，兩人繼日前獻出首個水著Look後，今次就去了玩滑沙，而且還多了個「神秘嘉賓」一齊玩。

張敬軒（右）與DJ Donald（左）

　　軒仔和Donald今次以西部牛仔look現身，軒仔直言扮鬼扮馬對他來說絕對無難度，但忍笑才是最大考驗，他表示︰「唔知點解一見到Donald個樣我就想笑，拍嘅時候我都唔記得NG咗幾多次，最後我諗到一個方法，就係唔講對白嘅時候，我就咬住自己條脷。」

玩到全程大叫

變身「降兩度」的軒仔與Donald齊齊玩滑沙。

　　到達滑沙地點準備之際，軒仔突然戴上假髮變身「降兩度」，原來由起點滑到落地面，足足有四、五層樓高，「降兩度」抵死表示︰「張敬軒呢個無膽匪類，已經返咗廣州。」之後二人擘髀坐上「滑板」險些走光。「降兩度」滑下去時大嗌好正，更笑指看到這個靚景，很想拍輯裸照留念。