【晴報專訊】陳凱琳（Grace）與鄭嘉穎的兒子鄭承悅（Rafael）農曆年後出世，正在坐月的Grace昨日出席活動，她指BB陀足十個月出世，似是默認去年八月在峇里結婚時已懷孕。

Grace笑言暫時未去諗懷第二胎。

　　雖然只是產後兩星期，但見Grace已回復fit爆身形，而上圍明顯升了三「cup」。被問到產後心情，Grace形容是數一數二開心的時刻。

日前Grace分享了囝囝的小腳板，相當可愛。

　　Grace受訪時表示︰「每朝起床見到BB個樣，就會諗陀B呢十個月好值得。BB情人節出世，係我嘅大情人，係剖腹生產嘅，嘉穎陪住我入產房，見證BB出世，仲親手剪臍帶，佢唔驚，仲好興奮，自己反而有少少緊張，始終都係第一次。」Grace又透露囝囝的中文名叫鄭承悅，意謂承諾帶給他一生一世開心和喜悅；至於英文名Rafael除了因為網球手拿度，同時也有上帝守護的意思。

讚嘉穎父愛澎湃

鄭嘉穎

　　對於外間一直質疑BB未足月出世，Grace終於開腔回應︰「我好明白一定有人講，自己知自己事，總之BB係足月出世，出世時有六磅幾，好健康。」嘉穎榮升爸爸，更不時說要送禮物獎勵老婆，不過Grace大讚老公付出很多，目前他減少工作陪她坐月，更為BB換尿片和沖涼。