【晴報專訊】林峯昨日與古天樂、周秀娜、陳靜及黃百鳴等，到銅鑼灣出席新戲《P風暴》的慶功午宴，對於有指胡鴻鈞自詡唱功勁過林峯而遭到公司雪藏，林峯不欲多談，但大方回應對方有上進心。

古仔與林峯為《P風暴》慶功後，便返內地繼續拍攝電影版《尋秦記》。

　　《P風暴》在港上映11日衝破1,200萬港元票房，內地更狂收六億人民幣，氣勢如虹。首次在電影中飾演反派的林峯表示相當驚喜，又答謝古仔為他開拓新戲路。不過，林峯剛於上月中加盟星夢娛樂，近日卻無端捲入是非，皆因被指是「星夢一哥」的胡鴻鈞，日前竟然自稱勁過林峯，更疑因態度囂張被掟入「雪櫃」。林峯聞言尷尬表示︰「識得佢，佢個人好有上進心，之前有合作過，佢幾nice。（覺得佢唱歌點？）幾好聽，其他嘢無回應。」

古仔拍戲唔收分紅

　　《P風暴》票房大收，老闆早前宣布添食，古仔說最開心是成績一部比一部好，他已度期拍攝第五集《G風暴》。問他可有分花紅？古仔表示不用，因為跟黃百鳴是多年好友，他說︰「我一向無理呢啲，片酬應收就收，分紅唔使。」

周秀娜祝賀《P風暴》有好成績。

　　此外，古仔前晚在頒獎台上被影帝黃秋生封為新一代電影大亨，古仔聞言只說︰「哈哈！（有無壓力？）唔回應喇，我都係拍好啲電影，放過我啦！」至於首度加入「風暴」系列的周秀娜，對票房成績理想大感高興，她笑說︰「不枉我畀人追殺得咁辛苦！」