【晴報專訊】王浩信前晚憑《踩過界II》「盲俠」奪雙料視帝，他在台上激罕感謝太太陳自瑤（YoYo）時，台下的YoYo竟然黑面，成為全晚台慶頒獎禮熱話，更被網民瘋狂Cap圖洗版討論。王浩信事後為老婆解畫，指她可能天氣凍又坐得久，所以木無表情，並強調自己多謝老婆是出自內心。

王浩信專程從內地趕回港，見證《反黑路人甲》獲好成績。

　　王浩信與陳自瑤近年經常傳出婚變，王浩信前晚發表封帝感受時，開名說：「多謝YoYo，多謝你非常悉心照顧個女！」不過YoYo未見喜悅，反而表情茫然零反應，令網民瘋狂討論，指她才是「最佳女主角」。不過，原來之後YoYo有上台主動攬攬老公，又面貼面祝賀對方。

陳自瑤在鏡頭前黑面，但原來事後主動攬攬王浩信。

　　王浩信事後說：「之前攞獎我都有多謝佢（YoYo），真係我內心好感激佢嘅說話。」但YoYo木無表情？他為太太解畫說：「天氣咁凍，佢（YoYo）坐咗成晚，大家都好攰，有呢個反應唔出奇。（YoYo主動過來擁抱你？）係呀！佢送上祝福說話，好開心，好多謝佢。（一起慶祝？）唔會了，收工返到屋企人都瞓晒，就算自己生日都少慶祝。」

YoYo出Po隻字不提老公

陳自瑤在鏡頭前黑面，但原來事後主動攬攬王浩信。  

　　至於YoYo在頒獎禮後亦解釋說：「其實之前我都話佢年年大熱，有獎攞都唔奇，恭喜佢囉！（在台下零反應？）係呀，可能當時分心，突然聽到佢咁講，其實之前佢拎獎都有公開多謝我，我都真係有悉心照顧個女。」YoYo以天氣凍身體不適為由，未等老公便先行回家。昨日YoYo在社交網發文，感謝投票給她的朋友，但隻字不提王浩信。