【晴報專訊】有指ViuTV翻拍日本BL神劇《大叔的愛》，找來黃德斌飾演大叔部長，與男團MIRROR成員呂爵安（Edan）及盧瀚霆（Anson Lo）大玩HeHe戀。黃德斌昨日未有否認接拍《大叔的愛》，更透露將在月底開鏡，但聞得可能要開齋與男仔咀嘴，德斌顯得超尷尬，似乎仍未有心理準備。

黃德斌對新劇《太平紋身店》的收視充滿信心。

　　黃德斌昨日與MIRROR成員姜濤及楊樂文（Lokman）、林德信等，出席ViuTV新劇《太平紋身店》記者會。提到接拍港版《大叔的愛》，德斌表示仍未落實，但透露玄機：「講住先啫，詳情等佢哋（ViuTV）公布啦。不過真係有傾過，呢一套係瘋狂喜劇，以前從未拍過，好似話想月底開工。」

近日憑《膠戰》上位的Edan，將擔正演《大叔的愛》。（IG圖片）

　　提到兩位《大叔的愛》小鮮肉對手，德斌笑言搞不清MIRROR「邊個打邊個」，但有留意姜濤的歌曲。問到拍攝時可能要獻出男男之吻，德斌坦言從未咀過男生：「咀BB仔算唔算？（會否介意要錫男仔？）到時再算啦！我拍大家係咪真係想睇先？大家推我去死，哈哈。」

　　另外，德斌與姜濤在《太平紋身店》中演父子，他大讚姜濤靚仔又乖巧，合作非常開心。

姜濤Lokman初嘗打戲

姜濤（左）及Lokman疫情後會集齊MIRROR成員食飯慶祝叱咤得獎。

　　同場的姜濤在劇中首度拍打戲，更要應付一個對幾個的大場面，幸好拍攝順利沒有受傷。Lokman則扮演德斌年輕版，同樣要拍打戲的他，要兼顧講對白相當困難：「我唔小心用無情力打傷其他演員，我都有啲撞傷，打人仲難過跳唱。」早前MIRROR揚威叱咤頒獎禮，姜濤表示中風留醫的姜爸得知他得獎後，病況大有改善：「雖然疫情所限無得探病，但我之前送咗部新電話畀爸爸，佢都用嚟上網重溫我得獎嘅片段。」