【晴報專訊】鍾嘉欣前日接受《星空下的仁醫》徒弟林正峰的訪問，挑戰綜藝節目《#後生仔傾吓偈》的大尺度問題，期間嘉欣大談初戀及咀戲，毫不怯場。

林正峰開心可以訪問偶像嘉欣，兩人言談甚歡。（影片截圖）

　　鍾嘉欣在訪問中大方透露自己感情狀況是「M3」，即已婚（Mrs）兼曾拍三次拖，而18歲時拍了兩年的初戀，是嘉欣最短時間的一段戀情。嘉欣又自爆婚後重遇初戀的經過︰「買餸嗰時撞到佢，大家都幫緊小朋友買鮮奶，我唔尷尬，但佢就面都紅晒。」嘉欣直言跟兩任前度都保持友好關係，但老公沒有呷醋，她笑謂︰「我老公好有信心，佢覺得自己好得！」

林正峰和嘉欣十分投契，更一起合唱。（影片截圖）

　　另外，嘉欣被追問有否試過「一夜情」？她即超大反應兼高八度說︰「梗係無啦，一定唔會！」至於工作方面，嘉欣指老公不會介意自己拍咀戲，但會選擇性不看；她體諒老公感受，故盡量不接拍咀戲，「除非劇本真係好需要，錫手或者面珠都OK，伸脷嗰啲千祈唔好。（真係試過要拍伸脷？）應該要伸，但我無伸過，好驚㗎，如果對手伸脷會嚇死我，走都走唔切。」