• |
  • 極速報價
  • |
  • 會員
  • 產品服務 / 串流版
  • 設定
過往專欄
言歸政傳
言歸政傳政經頑石不低頭為理發聲郎旋風薰香療法男士診症室抵玩自助遊句句有骨星座命理念力•氣功手機應用tips睛益求精嚴浩 LIKE!見微知著跟著陶冬找美食數碼潮人廣告有晴踏出退休第一步識食•惜食有種CEO叫做莊潮爆網事羅湖橋兩邊娛樂酷辣辣思歪思正十萬八千里樂本健‧教室特首選舉趣食60秒入廚101觀自然•觀香港有種生活政本清源心筆在妍維基解碼IT戰國誌煮酒論政今日趣聞馬壇.誌趣星期二周融愛瘋Apps美美道來大國崛起智醒日誌@中小企「營」刃而解Smart Buying甜品工房Education Calculator家事法庭升學信箱新手媽媽怪獸父母營營樂樂親子專題財富非常道謝國忠看勢獨唱團京城近觀原來如此乾坤挪移街坊食神Keyman森巴舞睇波LU文化導遊精神解碼抗癌兵團有營生活吾道崢廣見聞名家名畫商務英語型品薈我心中的米芝蓮歐洲直擊旅途中食得喜Leadership Coaching一哥教攝影心晴百態乳你同行專科專論人愛衣裝Word Discovery科技趨勢愛情故事投資達人政治擂台藝術投資秘笈抗癌點滴寵物情緣淘寶lization電影一線網絡鬼故主.管微博一分鐘管理娛樂有理進攻SAT古今名錶政‧經‧女人The Beauty Factor議會內外石油戰爭男女情色談金說匯風水環境學細味建築健康快車Green Hong Kong星光伴我行我吃過的米芝蓮A+孩子上海觀察京城札記鐵娘駕到食客三千創富新思維海外升學信箱Today's Web藝術投資世界在讀什麼-雷美華潮得起Business English飛越地球村紅酒情報職場物語股場琦手

31/07/2017

「菲傭姐姐」好搶手中港爭崩頭 萬五蚊夠唔夠?

  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

   香港人請「菲傭姐姐」幫手打點家頭細務可以話係常態,但係其實唔係必然㗎!事關原來內地都實姐姐們的一身好……英文,話想開放菲傭市場喎!仲開出萬五蚊一個月,打算高薪挖角,招攬優質「姐姐」北上打住家工。

 

(CNS圖片)

 

請啱心水「姐姐」將難上加難

 

  睇返菲律賓嘅傳媒報道講,中國打算請菲傭去五個大城市打工,仲拍晒心口話會畀啲「姐姐」好高嘅人工添!本身香港嘅「姐姐」已經供不應求,內地仲要輸入埋一份,今次香港班太太們仲唔頭都痕埋?

 

  Jenny都成日聽到身邊嘅朋友呻請「姐姐」好難,請到啱心水嘅「姐姐」更難!今日一睇到呢單新聞,幾個請咗「姐姐」在家照顧小朋友嘅姊妹簡直好似世界末日咁不斷哀號。

 

  以香港為例,現時香港外傭法定月薪係4310蚊,而中國就同菲律賓傾緊,可能會提供10萬披索嘅月薪,即係萬五蚊港紙左右!即係香港嘅三倍半!Jenny一聽,只能心中暗嘆:Too bad la Mom

 

  大家都知喇!外傭質素參差已經唔係第一日嘅事,再加上香港人口老化愈嚟愈嚴重,對姐姐們嘅需求有增無減。根據政府嘅數字,60歲或以上獨居長者入面,有請外傭嘅比例由1995年嘅2.5%2016年已經上升到9.7%,而人口老化呢個問題應該仲會持續,即係話而家請唔到,日後仲難請。

 

未知之數太多 傭工都要睇定啲

 

  今次最大嘅持份者,菲律賓傭工又點睇呢?菲律賓人聯合會香港分會秘書長Eman就同Jenny講佢都係今日先知呢單新聞,不過佢表現得唔太雀躍,佢話因為好多嘢仲係好初步,究竟中國會唔會開放輸入外勞仲係未知之數。佢反而話,聽到消息時覺得對菲律賓政府唔優先考慮點樣增加國內職位感到失望,「如果菲律賓國內社會同經濟環境穩定,可以畀我哋揀,我哋會寧願留在自己國家工作,總好過離鄉別井。可惜,事實唔係咁。」

 

  佢話而家市傳人工有成萬五蚊的確好吸引,不過如果真係去中國做野,佢自己都有啲驚驚哋,因為怕內地治安唔好同勞工保障不足,仲有言語不通。Jenny明白嘅,有邊個打工仔唔想人工高啲吖,如果有而家嘅3倍人工,我會即刻去學多種語言,但如果冇咩Friend子喺同一個地方一齊工作互相照應,係會冇咩安全感!

 

  Eman又同Jenny講,今次呢個消息或者可以提醒政府是時候加外傭最低工資,佢話其實唔使加好多,加返到5000蚊以上,好多外傭都已經覺得合理返,會覺得「做生不如做熟啦!」

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生