【晴報專訊】新城電台慶祝27周年，將於8月25日假灣仔會展舉行一場《新城台慶音樂會-張敬軒& Friends》，昨天舉行記者會宣布詳情。表演嘉賓全是英皇歌手，軒仔更稱今次是與吳浩康第一次合作。

軒仔希望今年做好音樂，取得好成績向自己及公司交代。

　　張敬軒、吳浩康、鍾舒漫、洪卓立（Ken）及曾樂彤下月演出《新城台慶音樂會》，問軒仔會否再搵關智斌做嘉賓？他表示不會：「有啲嘢做咗一次，就唔會做第二次。」軒仔又抵死謂︰「擔心同樂彤有代溝，諗諗下我都生得佢出，做得佢老竇！」

洪卓立、曾樂彤及軒仔即場鬥畫功。

　　去年軒仔沒有推出新歌，在樂壇頒獎禮成績未見突出，問他今年剛開完六場紅館個唱，下月又為新城演出，是否要收復失地？軒仔笑謂︰「今年我諗無歌手獎都有勤力獎啦，上半年已推出三首新歌，都希望年尾有好成績。」問他會否考慮往其他方面發展？軒仔不諱言想再演舞台劇，但公司安排他在未來一年到台灣發展。

　　軒仔剛從法國回來，原來他抵達巴黎當天，正是法國國家隊在世界盃奪冠，他說︰「我就住喺香榭麗舍大道，半夜都仲聽到球迷叫囂，有啲甚至借醉鬧事，破壞櫥窗。本來我都走落街感受熱鬧氣氛，當見到情況開始混亂就立刻返酒店。」

洪卓立湯怡情不變

　　近來湯怡出席活動時，都刻意避談男友洪卓立，令人懷疑二人是否甩拖。Ken昨日被追問感情現狀，他以肯定的語氣說︰「我哋只係有共識講少啲，因為經常講對方嘅事，好多時忽略咗本身工作。」

吳浩康與舊愛鍾舒漫同場，絕無尷尬。