【晴報專訊】李克勤昨天以「糖胖大使」身份出席在旺角舉行的《全城勁減10000磅》計劃，呼籲糖胖患者正視糖胖症。克勤表示有家人患糖尿病，所以特別感同身受，更熟悉各種控制血糖的方法，呼籲大家注意健康。

克勤示範量度體重指數及玩遊戲，讓大眾認識糖胖症。

　　克勤受訪時表示，經常自我提醒，平常要注重健康：「將來嘅事好難講，我呢個18加22都唔止嘅年齡，要注意飲食，少糖少鹽少油多菜，依家真係唔敢亂食嘢。」

克勤為寶貝仔安排一連串活動，認真廿四孝老竇。

　　日內將會飛往南京拍攝綜藝節目的克勤，已計劃好帶太太盧淑儀和兩名兒子去當地玩。他說：「飛去做嘢先，之後太太帶兩個仔一齊去睇世界羽毛球錦標賽，因為有中國同香港運動員出賽，希望佢哋有好成績。以往國家隊球員來港參賽，我同校長（阿倫）都邀請佢哋嚟舖頭食碗雲吞麵，如果今次有時間，睇下可唔可以一齊食飯喇。」克勤又說，囝囝有打羽毛球，希望他們從賽事中學習職業球員的技術。

帶小朋友去主題公園

　　現時正值暑假，問克勤還有安排甚麼節目給囝囝？他即狂呻：「真係頭都痛，我之前去澳門開騷前，已經帶咗佢哋去迪士尼玩，因為我唔想佢哋喺屋企歎冷氣打機，所以盡量安排節目畀佢哋，唉，暑假幾時完呀！」