【晴報專訊】今年49歲的鄭嘉穎，昨日在印尼峇里迎娶27歲的陳凱琳（Grace）。婚禮中，歌手出身的嘉穎即場演繹他的冧歌《一千個願意》，揚言「為咗娶老婆乜都要做」；至於Grace則指婚禮感覺超現實。不少粉絲隔空送上祝福，期望鄭氏夫婦早日生B！

　　一對新人在峇里Bvlgari Resort Bali The CHAPEL舉行婚禮，邀請近80位賓客到場，多位圈中好友包括唐詩詠、馬國明、曹永廉、唐文龍、陳嘉寶及賴慰玲等賞面赴會，見證二人步入教堂。嘉穎與Grace在教堂內手拖手宣讀誓詞，不單情深對望，又齊齊落淚，場面感人。禮成後，二人更深情擁吻。

鄭生拖著鄭太接受現場親友的祝福，Grace不似懷有身孕。

陳凱琳（右）身穿1984年母親穿過的裙褂向奶奶跪地斟茶。

　　昨晨接新娘期間，嘉穎在新娘子要求下，獻唱其舊作《一千個願意》，並抱起Grace從酒店房間的走廊步進大廳，足足200呎路程，然後才進行斟茶儀式，盡顯誠意。

Grace︰開心嫁個好老公

一對新人深情咀嘴，場面溫馨。

　　新娘子被問到為何要老公演繹《一千個願意》，她稱︰「歌詞和我貼切，是指一個天使出現，聽到（歌詞）時特別sweet，佢即刻都明白我意思。呢啲先叫誠意，好窩心！」Grace又感謝從歐洲、加拿大、香港及新加坡前往當地觀禮的親友，並稱︰「我穿起婚紗後好緊張，個肚籮籮攣，心跳加速。我估唔到佢比我早喊，呢一刻感覺超現實，我開心有個咁好、咁錫我嘅老公！」

　　至於新郎哥嘉穎則回應︰「無辦法，為咗娶老婆乜都要做，今次算好簡單，只係唱咗首歌，同埋抱咗佢出嚟。」他又表示婚禮非常感動︰「我見到Grace行入教堂，已經忍唔住流咗兩滴『馬尿』，我哋亦好感觸。」很多網友樂見這對父女戀開花結果，祝福他們永遠幸福快樂。