【晴報專訊】《2018香港小姐競選》20位候選佳麗昨日在將軍澳以泳衣會見傳媒，日前大會發布各佳麗的才藝表演短片，當中12號童銘欣跳外國流行的Floss Dance，成網民嘲笑對象，對此她笑言想再度挑戰。

12號童銘欣被批才藝騎呢，亦有網民力撑她笑容甜美。

　　昨日佳麗穿上運動型泳裝示人，只見眾人身材平均，以大熱門7號丁子田與14號何泳芍身形最標青。日前無綫上載20位佳麗的「15秒才藝表演」短片，不但被批似足內地App抖音。12號童銘欣大跳Floss Dance，但被網民嘲笑舞姿生硬兼甩皮甩骨，昨日她大方回應是搞笑表演：「我跳呢隻舞手腳唔協調，但都挑戰到自己。」她不覺短片破壞港姐形象，反而表現正能量開心一面。

8號陳靜堯（中）獲友誼小姐，李施嬅及黎諾懿將在決賽擔任最上鏡小姐評判。

　　近日有傳無綫封殺曾志偉，將對方飛出港姐司儀行列，昨日無綫助理總經理（非戲劇製作）余詠珊否認說：「我哋絕對無封殺志偉，百分之百無！志偉係我哋師父，今年賽制好遲先決定，又想畀機會新生代試下做大騷司儀。我哋之後都好多合作會搵志偉，一直有同佢傾，做完港姐會再搵佢坐低傾下。」