【晴報專訊】黃宗澤（Bosco）投資的蠔吧昨日在尖沙咀開幕，無綫高層樂易玲、三哥苗僑偉、岑麗香、黃翠如等到場支持。舊愛胡杏兒更聯同老公Philip送上花籃祝賀，不過緋聞女友陳嘉桓就未有現身。

談到做生意，Bosco和翠如都爭住向三哥取經。

　　Bosco數年前在九龍城開蠔吧，最近轉戰尖沙咀擴充生意，他透露投資七位數字，笑指做老闆慘過打工，裝修、食物及清潔都要落手落腳做，他希望生意好，將來可以開分店。談到三哥早前拉攏他和吳卓羲夾份投資火鍋店，Bosco笑言︰「無下文啦，咁細生意點會啱三哥！」抵死的三哥在影大合照時取笑他的新店細，Bosco笑言三哥輩份高，要過萬呎大舖甚至上市公司才可以斟他合作。

胡杏兒送上花籃。

　　對於翠如自爆光顧他的餐廳從未付過錢，Bosco笑指這番說話難聽過粗口︰「係我主動請佢食嘅。佢噚日仲同我講會著低胸露背，咪又走數！」問到為何不見緋聞女友陳嘉桓？Bosco表示有邀請，只是對方沒空，又讚她夠朋友，開張前真金白銀光顧他的餐廳。他又感謝舊愛胡杏兒送花籃及祝賀短訊，指對方忙湊仔不能來，問到幾時輪到他成家立室？他坦言「未有耐」。

香香翠如爭住打工

談到食蠔功效，香香笑而不語。

　　適逢香香返港，也來支持Bosco，她和翠如雞啄唔斷，翠如自爆男友蕭正楠昨日跟一班美女學徒出海玩到忘形，香香安慰她︰「點會開心過同你一齊，唔使擔心！」逗得翠如笑得甜絲絲。問二人可有興趣投資生意？翠如笑言負責煲蠔仔粥，香香就說可以捧餐。