有「宅男女神」之稱的陳瀅（Jeannie），自2014年參演《女人俱樂部》後而為人所認識，今年在TVB台慶劇《跳躍生命線》中扮演急症室護士，更有多場喊戲，可謂是演技大考驗，她說︰「希望呢套劇會令到觀眾有一個新鮮感。」

陳瀅

　　現實世界中，Jeannie由婆婆一手湊大，劇中則圍繞她與羅蘭兩嫲孫的故事。Jeannie表示只看劇本已經禁不住落淚，拍攝期間也曾喊到淚流不止，「真係好似自己嘅經歷，好心悒。」Jeannie今次擺放很多私人感情，原來她婆婆已屆鮐背之年，並且患有腎病，恰巧劇中她需要照顧患病的羅蘭，「投射咗我同阿婆嘅關係落我同羅蘭姐度，咁我覺得好真實，同埋我自己拍咗咁多套劇，呢次做得最感人同埋感動。」她有信心今次與羅蘭的故事線能夠感動別人，因為觀眾容易從中找到聯繫。

Jeannie在劇中照顧患病的嫲嫲羅蘭，鏡頭外也關心對方健康狀況。

珍惜身邊人

　　有一場戲講述Jeannie因為揸電單車一事與羅蘭嘈交，令她想起在溫哥華曾經因為出夜街，婆婆大發雷霆，在屋內持刀追著她責罵。她明白婆婆的舉動出於關懷，但年少無知，總有一刻感到婆婆厭煩，她哽咽︰「有時愈親嘅人，你就會愈容易欺負佢哋，因為你覺得佢哋一定會原諒你。」

　　新劇更促使Jeannie成長，明白生命寶貴的道理，她說︰「好多人覺得屋企人的存在係理所當然；未喺生命經歷過（親人逝世），你唔會想太多同埋想逃避；呢個角色令我諗番要珍惜身邊人，特別係屋企人。」所以完成拍攝後，她立刻請三個月假，回去溫哥華照顧婆婆。

扮演急症室護士的陳瀅（左）和扮演救護員的劉佩玥在劇中是好友。

　　過去觀眾可能不會視她為實力派演員，Jeannie期望今次透過新劇，給觀眾耳目一新的感覺。「我好想畀觀眾知我真係好勤力，好畀心機做每個角色。」她從影后身上學懂要感受劇中人物的關係，才能演好角色︰「羅蘭姐真係畀到我親人嘅感覺，喺佢面前，好易做到一個孫女對嫲嫲應該有嘅感覺。」

學懂用心感受

　　即使普遍認為甚具挑戰的喊戲，她也出乎意料順利完成，「基本上你依家叫我喊，我都掌握到點樣去攞嗰個感覺。」她不諱言很多演員視「爆喊」為拍攝感人場面的目標，然而她現在不認同︰「應該係你由頭到尾都帶到角色嘅連貫性，以及真實感出來，才是完成一個角色。」她認為有時演員強忍不哭，反而令觀眾更為感動。

Jeannie指她與好姊妹蔡思貝常互相鼓勵，希望盡快找到對象。