【晴報專訊】楊千嬅日前陪伴老公丁子高去冰島，此行丁生在當地開工，千嬅就趁機好好享受假期。雖然只去了數天，但留港的囝囝Torres即發功，在家張貼「血書」尋母，令千嬅大讚囝囝夠高招！

千嬅將為好友彭浩翔的新戲客串。

　　楊千嬅昨日出席代言的保健食品活動，提到她在IG自爆被Torres寫「血書」通緝，她笑說︰「阿仔好勁，因為佢係雙子座，比較感性，會兜個圈表達自己情緒，好似寫張紙貼喺房門，例如『don't touch me』、『where are you now』，然後叫工人姐姐影相send畀我，咁我個心會更加唔舒服。今次我都學到嘢，做人做事直接係好，但都要有技巧。」她自言會解釋給兒子聽，令囝囝明白她也需要放假。

千嬅早前做「跟得夫人」，陪老公丁子高去冰島過二人世界，誰知被囝囝寫信尋人。

勸余文樂補身

　　問到Torres用紅筆寫信，千嬅笑說︰「咁啱啫，佢唔知嘅，有次佢萬聖節試過用白板筆畫落個嘴，我唔忍心用消毒藥水捽佢塊面，咪由佢就咁樣返學囉，結果成個禮拜先甩得晒。」她又大讚Torres記性好，指兒子喜歡韓國男團GOT7，每位成員名字都記得清楚。

　　提到今次冰島之旅，千嬅表示趁老公工作時，自己一個人在當地閒逛：「我好想去冰島，一世人點都要去一次。做女嗰陣成日自己飛，一個人旅行有好多靈感，又可以減下壓。」另外，提到好友余文樂在IG自爆身體差，千嬅表示要送保健食品給對方：「可能佢衝緊嗰陣唔覺唔舒服，我之前入院都係咁，免疫力唔好。或者我搵佢老婆，提下佢食保健品。」